UZ

Сўнгги янгиликлар

15:54Афғонистон терма жамоаси Россияга ўртоқлик ўйини ўтказиш таклифини берди  0 15:24Дибала "Ливерпуль" нишонида  1 14:55МЮ Эдерсон бўйича музокаралар олиб бормоқда  2 14:28"Тоттенхэм", "Ньюкасл" ва "Наполи" Грилишга даъвогар  0 14:02U-16 халқаро турнири. Ўзбекистон бу гал Японияга имкониятни бой берди  13 13:33Луис Диас "Бавария"га ўтиш арафасида: клублар музокараларга киришмоқда  5 13:06"Спортинг" Гёкерешни Суарес билан алмаштирмоқчи  2 12:39Файзуллаевнинг мураббийи: "Аббос ўзи учун тўғри қарор қабул қилади"  3 12:18Марко Верратти Қатарда жамоасини ўзгартирди  1 11:50"Комо" таркибни кучайтиришда давом этади. А Серия клуби "Селтик" юлдузини 19 млн еврога сотиб олмоқчи  4 10:50Ўзбекистон МТЖ аъзосига Туркия клуби қизиқиш билдирмоқда  4 10:24Мусиала операция қилинди  8 09:53“Навбаҳор“ футболчиси ОКМКга ўтди  4 09:22“Пахтакор“ вингери фаолиятини “Андижон“да давом эттиради  9 08:51Ўзбекистон U-16 терма жамоаси Японияга қарши баҳс олиб боради  6

А Серия. Превью. Бугун ЕЧЛда омади чопмаган "Интер" ва "Ювентус" ўйнайди Янгиликлар

А Серия. Превью. Бугун ЕЧЛда омади чопмаган "Интер" ва "Ювентус" ўйнайди

Турнинг дастлабки ўйинларида гуруҳда қолиб кетган "Интер" ва кутилмаганда "Янг Бойз"га имкониятни бой берган "Ювентус" ўз учрашувларини ўтказади.

"Интер" — "Удинезе"

"Нерадзурри"нинг охирги натижалари шуни кўрсатяптики, бу мавсум ҳам декабрь ойи жамоа учун қийин ўтмоқда. Чемпионлар Лигасида "Интер"дан "ПСВ"ни енгиш (1:1) ва гуруҳнинг иккинчи ўйинида "шпорлар" очко йўқотиши талаб этиларди. "Интер" нима қилди, ўз майдонида дуранг ўйнади ва "Наполи"га қўшилиб Европа Лигасига равона бўлди. Ўтган турда миланликлар "Ювентус"га имкониятни бой беришди (0:1). Энди Лучано Спалетти шогирдлари биринчи ўриндан 14 очко ортда қолмоқда, "Наполи" эса 6 очкога илгарилаб кетган. Охирги етти учрашувда "Интер" бор йўғи бир марта зафар қучди - ноябрь ойида "Фрозиноне" тасли этилганди (3:0). Календарь борасида ҳам жамоага хавас қилиб бўлмайди, "Барселона", "Ювентус", "Рома" ва қатор кучли рақибларга қарши ўйинлар ортда қолган бўлсада, олдинда "Наполи" кутиб турибди.

Меҳмонлар ўтган турда "Аталанта"га қаршилик кўрсатмоқчи бўлишди (1:3), аммо рақиб кучлилик қилди. Жамоага Николанинг келиши билан "Удинезе" ўйини дарров ўзгарди. Сўнгги уч ўйинда 4 очко, айнан улар туфайли жамоа хавфли зонадан тепароқда. "Удинезе" 17-ўринда ва хавфли зонадан икки очколик фарқ. Агар жамоа Б Серияга тушиб кетишни истамаса, очко тўплаш зарур. "Интер"га ҳам ғалаба зарур. Оғир ва омадсиз учрашувлардан кейин жамоадаги ички муҳит ва футболчиларнинг ўзига бўлган ишончини қайтариш, ҳамда Лучано Спаллетти келажаги учун ҳам ҳаракат қилиш керак.


"Торино" — "Ювентус"

"Делла Моле дербиси" – бу доимо қизиқ учрашув демакдир. Италияда "Ювентус" гегемонга айланган бўлсада, туриннинг икки жамоаси кураши зерикарли ўтмаслиги аниқ. Ушбу тўқнашув тарихида 187 ўйин бор бўлиб, табиийки устунлик "Юве" томонда. "Зебралар" мамлакат чемпионатидаги барча рекордларни кетма-кет янгилаб ётибди. Жамоа ички чемпионатда ҳали бирор марта имкониятни бой бермади ва 43 очко тўплади. Ҳафта ўртасида туринликлар Чемпионлар Лигасида мағлубиятга учради ва мавсумдаги иккинчи мағлубиятини тан олишга мажбур бўлди. "Янг Бойз" (1:2)гача Аллегри шогирдлари "Манчестер Юнайтед" (1:2) билан учрашувда имкониятни бой беришганди. Қизиғи, бу икки мағлубият ҳам клубга гуруҳ босқичини биринчи ўринда якунлашига тўсқинлик қила олмади. Чемпионатда қаторасига 5 ғалаба ва бор йўғи 1та ўтказиб юборилган гол – "Интер"(1:0), "Фиорентина" (3:0), СПАЛ (2:0), "Милан" (2:0) ва "Кальяри" (2:1).

"Буқалар" ортиқча шовқинсиз олти ўринга чиқиб олишди. Ўтган турда жамоа Миландан бир очко олиб қайтди (0:0). Жамоа ушбу мавсумда ажойиб бир натижага эга. Бундай ҳолат билан Италияда фақатгина "Ювентус" ва "Торино" мақтана олади. Ушбу икки жамоа меҳмонда бирор марта ҳам мағлуб бўлганича йўқ. Уйда "буқалар" 7 турда 3 марта ютқазишди, натижада 10 очкогина ишлаб олинди. Таркиб борасида "Торино" кўпчилик билан беллаша олади ва исмларга қарасак, жамоа еврокубокларга йўлланма учун кураша олади. Барчаси жамоанинг ўзига боғлиқ, аммо ҳозирча уларга стабиллик етишмаяпти.

"Торино" бугунги "Ювентус"га чинакамига бош оғриқ бўлиши мушкул вазифа. "Юве"нинг ЕЧЛдаги мағлубият аксинча "Торино" зарарига ишлаши ва Аллегри шогирдлари аламларини бугунги рақибдан олишлари ҳам ҳеч гап эмас. Ўзаро ўйинларнинг охирги 10 тасининг 8 тасида "кекса синьора" ғолиб бўлган. "Торино"нинг ягона ғалабаси 2015 йилда қайд этилганди. Бу учрашув дерби мақомида бўлсада, "Ювентус" яққол фаворитлигини ҳеч ким инкор этмаса керак.


Нозима Зарипова таржимаси

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика