А Серия ўйини қийшиқ чизиқ туфайли 15 дақиқа кеч бошланди

Златан ва Криштиану бу лига порлашида ўз ҳиссасини қўшишмоқда, Конте эса интрига билан ёрдам беряпти, аммо эски ва қадрдон Италия ҳеч қаерга кетгани йўқ.

Пастроқда - дам олиш кунларининг энг асосий сурати. "Верона" - "Женоа" учрашувидан олдин стадион ходимлари чизиқни қайтадан чизиб чиқишмоқда, чунки қизил аравачали киши биринчи уринишда буни уддалай олмади.

Учрашув бош ҳаками ўйиндан олдин майдонни кўздан кечираётганда чизиқ тўғри эмаслигини пайқаб қолди. Натижада кимнингдир иш кунини узайтиришга ва чизиқни қайтадан чизиш, аниқроғи унинг устидан тўғирлашга мажбур бўлишди. Баҳс 15 дақиқа кеч бошланди, чунки ВАР даврида бу ҳазил нарса эмас. Оддий ип орқали чизиқ тўғирланди.

Аммо барибир у идеал чиқмади. Ўйин пайтида чизиқ шундай кўринишда эди. Дарвозабон зонаси чегараси бўялгани кўриниб турганди. 

Айтганча, уч йил олдин ҳудди шундай воқеа MLSда содир бўлган: "Монреал" - "Торонто" учрашувидан олдин рефери чизиқ бўйича қоидабузарлик борлигини аниқлади. Жарима майдончаси кичиклашиб қолган экан. Қайтадан чизишга тўғри келди: Аввал эскисини бўяб, кейин янгисини чизишди. Натижада баҳс 32 дақиқа кеч бошланди.