44 ёшли дарвозабон жаҳон рекордини янгилади
20 авг 13:29
Янгиликлар

44 ёшли дарвозабон жаҳон рекордини янгилади

Расмий ўйинлар сони бўйича жаҳон рекорди янгиланди.

Бугун тонгда "Флуминенсе" Копа Судамерикана 1/8 финалида "Америка де Кали"ни (2:0) мағлуб этди.

"Флуминенсе" дарвозабони Фабио Лопес учун бу ўйин фаолиятидаги 1391 баҳс бўлди. 44 ёшли бразилиялик Питер Шилтон томонидан ўрнатилган жаҳон рекордини янгилади (инглизнинг ўзи 1387 ўйин санаган, Гиннеснинг рекордлар китобидаги кўрсаткич эса 1390 та учрашув).

Globo Esporte ва дарвозабоннинг ҳозирги клуби билан биргаликда ўтказилган ҳисоб-китобларга кўра, Фабио "Крузейро"да 976 ўйин, "Флуминенсе"да 235 ўйин, "Васко да Гама"да 150 ўйин ва "Униан Бандейранте"да 30 ўйин ўтказган.

Расмий ўйинлар сони бўйича учинчи ўринни "Ал-Наср" ва Португалия терма жамоаси ҳужумчиси Криштиану Роналду эгаллайди – 1283 ўйин.