Футзал. 3-тур. 2-кун. "Бунёдкор" – "Турон" 5:4 (+ фото)

Жуда қизиқарли тарзда кечган баҳсда "қалдирғочлар" омадлироқ чиқишди - 5:4. Баҳсда "Турон-С" дарвозабонига қизил карточка кўрсатилди, ҳакам томонидан "Бунёдкор" дарвозасига белгиланган дабл-пенальтини дарвозабон қайтарди.

Бунёдкор – Турон-С  5:4
Голлар: Бахтиёр Умаров 1, Дилмурод Шавкатов 12, Машраб Адилов 25 Асомиддин Жалолиддинов 28, 39 - Муҳтор Абдукаримов 6 Рашид Жабборов 23, Собит Зокиров 28, Қаҳрамон Исабоев 40.
Амалга оширилмаган дабл пенальти: Рашид Жабборов 35 (дарвозабон).
“Бунёдкор”: Алишер Холмуҳамедов, Асомиддин Жалолиддинов, Бахтиёр Умаров, Улуғбек Абдуллаев, Машраб Адилов, Аскар Тулаганов, Даврон Валижонов, Дилмурод Шавкатов, Абдушукур Ясинов, Лазиз Далиев, Алишер Ибрагимов, Абдулла Бўриев, Сардор Жабборов
“Турон-С”: Аҳмад Бейжонбоев, Элёр Домлаев, Қаҳрамон Исабоев, Собит Зокиров, Алишер Ризаев, Муҳтор Абдукаримов, Рашид Жабборов, Абдувоҳоб Иқболжонов, Ислом Аҳмедов, Одил Каримов.
Четлатиш: Аҳмад Бейжонбоев 32 ("Турон-С").


Учрашув тугагач "Бунёдкор" жамоаси ўйновчи мураббийи Абдулла Бўриев қуйидаги фикрларни билдирди: "Ўйин қийин бўлди, сўнгги сонияга қадар кураш борди. "Турон-С" ҳам яхши тайёргарлик кўргани билинди. Омад биз томонда бўлди, шу боис ҳам ғалаба қозондик деб биламан. Агар охирига қадар ўйнамаганимизда очко олмаслигимиз мумкин эди".

- Бугун жамоаингиздан кимларни алоҳида кўрсатган бўлардингиз?
- Жамоамда барча яхши ўйнади. Асосан Машраб Адилов ва Асомиддин Жалолиддинов бугун ўзларини яхши томонлама намойиш эта олишди.


Толибжон Қосимов.