20-тур превьюси: "Шўртан" - "Пахтакор"
25 авг 2015 01:10
Янгиликлар

20-тур превьюси: "Шўртан" - "Пахтакор"

Олий лиганинг 20-турида "Пахтакор" Ғузорда "Шўртан" меҳмони бўлади.

Мухтор Қурбонов устозлик қилаётган "Шўртан" иккинчи даврани муваффақиятли бошлади. Ўтган 4 учрашувда жамоа 8 очко жамғарди. Айни пайтда ғузорликларни яхши ҳолатда деб айтиш мумкин. Жамоалар сафида дисквалификация билан боғлиқ йўқотишлар йўқ.

Жамоалар олий лигада олий лигада 19 бор тўқнаш келишган. "Пахтакор" 17та ўйинда ғолиб бўлган, 1 ўйин дуранг ҳисобида якунланган ва "Шўртан" бир марта зафар қучган. Тўплар нисбатида ҳам устунлик "Пахтакор" томонида - 53:11.

Ғузорда бўлиб ўтган 9та ўйиннинг 8тасида “шерлар” зафар қучишган. Бир марта (2012 йил) "Шўртан" ўз уйида ғолиб бўлган. Биринчи даврада "Пахтакор" Тошкентда 2:1 ҳисобида ғалаба қозонган.

Асосий таркиблар баҳси эса 25 август, сешанба куни соат 17:30да старт олади.

"ШЎРТАН" - "ПАХТАКОР"

Ҳакамлар: Темур Тўхтасинов (Андижон), Анвар Маражабов (Андижон), Зиёдилло Абдураҳмонов (Андижон), Баҳром Юлчараев (Гулистон).

Назоратчи: Александр Попов (Тошкент).

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: +1