1999-2000 йилларда туғилган тайёрлов гуруҳлари ўртасидаги Республика Биринчилиги финал босқичи давом этмоқда

Кеча саралаш баҳсларининг сўнгги турига доир учрашувлар бўлиб ўтди. “Бухоро” – “Насаф” жамоалари ўртасида учрашувда, Нурали Султонов ва Насим Шойимов шогирдлари иккинчи баҳсда хам иккинчи ғалабасини қулга киритишди ва ўз гурухида яққол пешкадамга айланишди. Улар бухоролик ёш футболчиларини 2:0 ҳисобида мағлуб этишди.

Ёш насафчилар "А" гуруҳида биринчи ўрин билан ярим финал баҳсига йул олишди.

Қолган учрашувларда қуйидаги натижалар қайд этилди.

«Пахтакор» – «Машъал» 4:1

«Локомотив» – «Шўртан» 3:3

Бугунги учрашувлардан сўнг ярим финал жуфтликлари аниқ бўлди. Унга кўра, “Насаф” – “Пахтакор”, “Локомотив” – “Нефтчи” ва “Бухоро” – “Машъал” жамоалари ярим финалда баҳс юритишади.


Бугун ярим финал учрашувлари бошланади.
Қуйида ярим финал учрашувлари тақвимини эътиборингизга ҳавола қиламиз.

Ярим финал учрашувлари тақвими (11 декабрь)

10.”Насаф” – “Пахтакор”              1-сунъий майдон. Бошланиши соат 10:00да

11.”Локомотив”  – “Нефтчи”          1-сунъий майдон. Бошланиши соат 12:00да

12.”Бухоро” – “Машъал”                2- табиий майдон. Бошланиши соат 12:00да

12-13 декабрь кунлари учинчи ўрин учун ва Биринчиликнинг финал учрашувлари бўлиб ўтади.

Фахриддин Чориев.