Зокиржон Нурматов: "Бунёдкор" билан шартномам тугамоқда"

Бундан ташқари клубнинг бир қатор ёшлари асосий жамоа билан бирга машғулот ўтказишмоқда. Ана шундай ёшлардан бири Зокиржон Нурматовни суҳбатга тордик.

-Зокиржон, "Бунёдкор" жамоаси янги мавсумга тайёргарликни бошлади. Шу ҳақида фикрларингиз қандай?
-Ҳа машғулотларни бошладик. Машғулот давомида енгил машқларни бажардик.

-Жамоага янги келиб қўшилганлар борми?
-Ҳа бор. “Нефтчи”дан Шукур Пўлатов, Хуршид Хўжаев, Ислом Ёқубов, “Насаф”дан Жаҳонгир Жиямуродов, “Бухоро”дан Воҳид Шодиев биз билан бирга машғулот ўтказишмоқда.

-Жамоа билан тузган шартномангиз тугаб бораяпти...
-Ҳа. 31 декабрь куни жамоа билан тузган шартномам тугайди.

-Клубдагилар янги битим таклиф этишдими?
-Хозирча йўқ.

-Бўлмаса бошқа жамоалардан чорловлар бўлаётгандир?
-Яшира олмайман. Икки жамоадан жиддий таклиф тушди.

-Айнан қайси жамоалардан?
-Бунисини айта олмайман.

-Таклифларни кўриб чиқсангиз керак?
- Агар “Бунёдкор” янги шартнома таклиф қилмаса таклифларни кўриб чиқмоқчиман. Чунки “Бунёдкор”да кўп вақт ўйин амалиётисиз қолиб кетдим.


Комилжон Икромов суҳбатлашди.