Кейинги босқич масаласини ҳал қилиши кутилаётган муҳим баҳс олдидан мезбонлар устози Зинедин Зидан ўз фикрлари билан бўлишди.
“Учрашув қийин бўлишини билиб турибмиз. Ўз жамоамга ишонаман ва фақат ғалаба ҳақида ўйлайман. Уч очко олиш учун қўлимиздан келганини қиламиз. Босим остида ўйнашга ўрганганмиз ва бизни нима кутаётганини биламиз. Ҳис-туйғуларимизни назорат қилишимиз ва яхши тайёргарлик кўришимиз лозим.
Уч очко тўплаб, гуруҳда биринчи ўринни эгаллашни истаймиз, футболчилар ҳам айнан шуни ўйламоқда. Барча учрашувлар биз учун муҳим, аммо бу ўйин бизни буюк жамоа эканлигимизни кўрсатиш учун ажойиб имкониятдир”, дейди Зидан.
