"Зарафшон-НЦЗ"нинг олдига қўйилган вазифа ўзгармади
06 авг 2013 19:40
Янгиликлар

"Зарафшон-НЦЗ"нинг олдига қўйилган вазифа ўзгармади

Биринчи лиганинг "Ғарб" минтақасида муносиб иштирок этиб келаётган Навоий вилоятининг бошқа бир жамоаси "Зарафшон-НЦЗ", ўзи иштирок этаётган чемпионатда ижобий натижалар қайд этмоқда.

Биринчи босқичда жамоага устозлик қилган Юрий Лукин ўз чиқишларида "Зарафшон-НЦЗ"нинг олдига кучлилар сафига чиқиш вазифаси қўйилганини айтганди. Вилоят футболи мутасаддиларининг маълум қилишича, юз берган ўзгаришларга қарамай, "Зарафшон-НЦЗ"нинг олдига қўйилган вазифа кун тартибидан олиб ташланмаган. Шу боис жамоа иккинчи босқичда астойдил курашиб, ўз олдига қўйилган вазифани бажариш учун бор кучини сарфлайди. Яна шуни ҳам қўшимча қилиш керакки, жамоада аввалги мураббийнинг ишини бундан кейин Обид Худоёров давом эттирадиган бўлди.

Исломбек Рустамбеков

Ҳавола :

Манба : championat.asia

Янгиликларни Телеграмда ўқинг!

Рейтинг: