“Ювентус”нинг ғалабали сериясига чек қўйилди, “Барселона” рекорди янгиланмади

Учрашувнинг 52-дақиқасида Адам Ляйич ҳисобни очган бўлса, 92-дақиқада Гонсало Игуаин майдон эгаларини муқаррар мағлубиятдан қутқариб қолди.

Шу тариқа “Ювентус”нинг ўз майдонида 33 та ўйиндан иборат ғалабали сериясига чек қўйилди. Сўнгги марта туринликлар 2015 йилнинг сентябрида ўз майдонларида “Фрозиноне” (1:1) билан дурангга имзо чекишган эди.

Европанинг  топ-5 лигасида бу борадаги рекорд “Барселона”га тегишли. Каталонияликлар 1958 йилдан 1960 йилга қадар ўз майдонларида қаторасига 39 та баҳсда ғалаба қозониб, бу борада мутлақ рекорд ўрнатишган.