Uchrashuvning 52-daqiqasida Adam Lyayich hisobni ochgan bo'lsa, 92-daqiqada Gonsalo Iguain maydon egalarini muqarrar mag'lubiyatdan qutqarib qoldi.
Shu tariqa “Yuventus”ning o'z maydonida 33 ta o'yindan iborat g'alabali seriyasiga chek qo'yildi. So'nggi marta turinliklar 2015 yilning sentyabrida o'z maydonlarida “Frozinone” (1:1) bilan durangga imzo chekishgan edi.
Yevropaning top-5 ligasida bu boradagi rekord “Barselona”ga tegishli. Kataloniyaliklar 1958 yildan 1960 yilga qadar o'z maydonlarida qatorasiga 39 ta bahsda g'alaba qozonib, bu borada mutlaq rekord o'rnatishgan.
