Юрий Белоус: "Жасур "Локомотив"дан миннатдор"

"Ўйлашимча, биз "Локомотив" учун ҳам, футболчи учун ҳам фойдали қарор қабул қилдик. Шартнома бекор қилинди, бу ташаббус футболчининг ўзидан чиқди. Клубда легионерлар учун ажратилган лимит тўлиб бўлган. Шундай бўлсада, Жасур клубдан миннатдор эканлигини қайта-қайта айтди. Унинг учун мана шу давр тажриба вазифасини бажарди. Миранчуклар билан бирга машғулот ўтказганидан хурсанд бўлгани табиий, бу футболчилар Жалолиддинов учун афсона ҳисобланади. Лекин, бошқа томондан олиб қаралганда у ўйнаши ва ўсиши керак. 

Балки, келажакда Жасур "Локо"га қайтиши ҳам мумкин. Жасур 18 ёшида "Локомотив" томонидан бекорга бундай имтиёз берилмаганлигини исботлайди, деган умиддаман. 

Ҳозирда футболчига бир қатор қизиқарли таклифлар бор. Хусусан, яқин Шарқ, марказий Европа ва Испаниянинг Сегундасидан. Воқеалар қандай ривожланишини кўрамиз. Яқинда барчасига аниқлик киритилади ва музокаралар бошланади. 

Бекор қилинган шартнома учун товон пули? Биз ушбу воқеани кенг омма олдида муҳокама қилмаймиз. Бу клуб ва футболчи ўртасидаги маҳфий маълумот. Аммо, шартлар ҳам клуб, ҳам футболчи учун фойдали бўлди", - дейди Белоус.