UZ

Сўнгги янгиликлар

01:35Евро-2024. Гол киритилмаган, аммо қизиқарли кечган баҳсда Франция ва Нидерландия дуранг қайд этишди  14 01:20Ўзбекистон Олимпия терма жамоаси Париж-2024 иштирокчиси билан ўртоқлик ўйини ўтказади  1 00:51Месси Копа Америка ҳақида: "Бу мен учун охиргиси"  0 00:30Миржалол Қосимов: "Натижаларимиз сал яхшиланса, барча мақташни бошлайди. Чемпионлик ҳақидаги гап-сўзларга нормал қарайман"  5 00:20Евро-2024. Польша – Австрия 1:3  0 00:14Максим Шацких: "Футболчиларнинг етишмовчилиги сабаб Асқаровни чап қанотда ўйнатдик. Алижонов ва Абдуманнопов ҳали майдонга тушишга тайёр эмас"  6 00:00Евро-2024. Словакия – Украина 1:2, Шацкихнинг "куёви" гол урди  6 23:43Тимур Кападзе: "Совғадан фойдалана олмадик"  2 23:22Илёс Зейтуллаев: "Агар, худо биз билан бирга бўлса, ким қаршилик қилиши мумкин?"  7 22:55Суперлига. "Бунёдкор" - "Олимпик" (1:1). Highlights  0 22:52Австрия Польшага ҳеч қандай имконият қолдирмади ва турнирдаги илк ғалабасини қўлга киритди  11 22:31Суперлига. ОКМК – "Пахтакор" (4:2). Highlights  13 22:12Миржалол Қосимов ОКМК бош мураббийи сифатида тарихда илк марта "Пахтакор"ни мағлуб қилди  20 22:05Суперлига. "Олимпик" 60 дақиқа 9 киши ўйнаган "Бунёдкор"ни юта олмади  8 22:00Суперлига. Иккита пенальти белгиланган ўйинда ОКМК камбэк эвазига "Пахтакор"ни мағлуб этди  111

Ёрқин Назаров: "Александр Стоймирович жамоа билан бирга эмас" Янгиликлар

Ёрқин Назаров: "Александр Стоймирович жамоа билан бирга эмас"

Суперлига 9-туридан ўрин олган "Локомотив" – "Сурхон" (1:1) учрашувидан сўнг мезбонлар бош мураббийи Ёрқин Назаров матбуот анжуманида иштирок этди

- Ўйин ҳақида

- Анча қизиқарли баҳс гувоҳига айландик. Икки жамоа ҳам яхши курашди. Биринчи таймда гол ўтказиб юбордик ва шу сабаб танаффусдан сўнг кўпроқ ҳужумга ўтишимиз керак эди. Менимча, биз рақибдан кўра кўпроқ вазият ярата олдик. Учрашув дуранг билан якунланди ва бу адолатли натижа бўлди деб ўйлайман.

- Иккинчи бўлимда "Локомотив" жамоасининг ўйини тубдан ўзгарди. Танаффусда футболчиларга нималар дедингиз?

- Биринчи бўлимдаги хатоларимизни кўриб чиқдик ва ушбу хатоларни тўғирлашимиз кераклигини айтдим. Танаффусдан кейин кўпроқ ҳужум қилишимиз кераклигини айтдим.

- "Сурхон"да футболчи ва мураббий бўлиб ҳам ишлагансиз. "Сурхон" жамоасини яхши билганингиз бугунги учрашувга тайёргарлик кўришда қўл келдими?

- "Сурхон" жамоаси узоқ вақт фаолият олиб бордим. Ҳозирги кунда "Сурхон" сафида тўп тепаётган Асилбек Жумаев ва бир нечта ёш футболчиларни Термиздаги ўсмирлар мусобақасида кашф этган эдик. Кейинчалик уларни ёшлар жамоасига жалб этдик. Ўзингиз кўриб турибсиз, бугун Суперлигада "Сурхон" шарафини ҳимоя қилишмоқда. Сурхондарёда иқтидорли футболчилар кўп.

- "Локомотив" жамоаси ўтган учрашувларда жамоа иккинчи бўлимни ёмонроқ ўтказаётган эди. Бугун эса жамоа бутун ўйин давомида бир хил темпни ушлашга ҳаракат қилди. Ўтган ўйинларда бир бўлимдан сўнг темп тушиб кетишига нима сабаб бўлган деб ўйлайсиз?

- Олдинги учрашувларга бироз бошқача тайёргарлик кўраётган эдик. "Бунёдкор"дан кейинги учрашувдан сўнг бугунги ўйинга тайёргарлик кўриш учун бор йўғи 4 кун вақтимиз бор эди. Ўйинга тайёргарлик жараёнига кичик ўзгартириш киритдик. Балки шу сабабдир. Машғулотларни ўзгартирдик. Бугун иккинчи бўлимда намойиш этган футболимизни бутун ўйин давомида кўрсатишга ҳаракат қиламиз. Ҳозирги мақсадимиз шу.

- "Локомотив" жамоасининг жорий мавсум бир тайм яхши ўйнайдиган жамоа бўлиб қолди. Бунга сабаб нима деб ўйлайсиз? Иккала бўлимни ҳам сифатли ўтказишга нима етишмаяпти?

- Машғулот жараёнларига ўзгартириш киритиб, ушбу муаммони тўғирлашга ҳаракат қиламиз. Биринчи бўлимда ҳам ёмон ўйнамадик, аммо иккинчи таймда ўйинимиз яхшиланди. Бир хил даражада ўйнашга интиламиз.

- Жамоа ҳужумларини якунлайдиган футболчи топилмаётгандек. Ҳужумчилар бугунги учрашувга қанчалик тайёр эдилар?

- Биз мураббийлар штаби билан ушбу муаммони кўриб чиқдик. Ҳужумчилар билан алоҳида ишлаб кўрдик ва натижа сезилди. Кўпроқ меҳнат қилишимиз керак. Режамиз бўйича тайёргарлик кўрсак, голлар сони кўпайиши ўзини узоқ куттириб қўймайди.

- "Локомотив" жамоаси кетма-кет тўрт маротаба мағлубиятга учради. Ушбу омадсиз сериядан сўнг жамоадаги ички муҳит қандай? Раҳбарият билан гаплашиб кейинги режаларни аниқлаб олдингизми?

- "Бунёдкор"га қарши кечган учрашувдан сўнг Александр Стоймирович жамоа билан бирга эмас. Машғулотларда ҳам иштирок этмаяпти. Раҳбарият жамоани ўзим бошқаришим кераклигини айтди. Ҳали бошқа мавзулар бўйича гаплашмадик. Кейинги рақибимиз "Насаф". Ҳозир фақат "Насаф"га қарши кечадиган учрашув ҳақида ўйламоқдамиз. Ички муҳит аъло даражада. Фақатгина ёмон натижаларни тўғирлашимиз керак. Жамоа муаммо йўқ. Барча ўз вазифасини яхши бажармоқда.

- Демак Александр Стоймирович жамоадан расман кетдими?

- Ушбу саволга матбуот хизматимиз жавоб бергани тўғрироқ бўлади.

- "Локомотив" жамоаси матбуот котиби Хайрулла Холиқовнинг жавоби

- "Бунёдкор"дан учралган мағлубиятдан сўнг сербиялик мутахассис Александр Стоймирович клуб раҳбарияти қарорига кўра расман ишдан бўшатилди. Клуб раҳбарияти ушбу янгиликни расман эълон қилмасликни сўради. Биз клуб ходимлари сифатида ушбу топшириқни бажардик. Александр Стоймирович жамоа билан бирга эмас ва "Локомотив" жамоасига ҳеч қандай алоқаси йўқ. Мавсум аввалида расман бош мураббий дея эълон қилинган Ёрқин Назаров жамоанинг бош мураббийи сифатида ишлаб келмоқда. Эътиборингиз учун раҳмат.



Рейтинг: +2   

Фикрлар

   
28 май 04:51:29
Ali7279
Тренирга хам ухшамайди
championat.asia
< сўнгги янгиликларни кўриш
Яндекс.Метрика