UZ

Сўнгги янгиликлар

00:47“Гвардиола билан ишлаш университетда ўқишдек гап”  1 00:37“Рома”нинг собиқ футболчиси юрак хуружидан вафот этди  0 23:58Пекерман 2006 йилги ЖЧда Месси нега асосий таркибга киритилмаганини айтди  0 23:33“Реал” 19 ёшли ҳужумчига қизиқиш билдирмоқда  1 22:44“Юве” Дембелени ижарага олмоқчи. Футболчига “Арсенал” ва ПСЖ ҳам қизиқмоқда  4 22:20“Тезкор студия” меҳмонлари “Бунёдкор” вакиллари #LIVE  1 21:58Дуглас Костадан кутилмаган қарор, у фаолиятини якунламоқчи  6 21:43"Барселона" ниқоб сотишни бошлади  11 21:29"Лацио" президенти "La Gazzetta dello Sport"ни судга берди  0 21:11Месси ЕЧЛ финаллари тарихидаги энг яхши футболчига айланди, Роналду эса...  132 20:43Россияда икки клуб бирлашди  8 20:27Вальверде: "Манчестер Сити" каби ўйнамоқчимиз"  7 19:55Футболни мухлислар билан бошлаган илк давлат номи маълум бўлди  4 19:41"Рома"нинг собиқ футболчиси 21 ёшида юрак хуружидан вафот этди  1 19:27128 миллионлик бемор... Фелиш яна жароҳат олди  7

Якуний тур олдидан. "Дортмунд" "Бавария"нинг мағлубиятига умид қилмоқда Янгиликлар

Якуний тур олдидан. "Дортмунд" "Бавария"нинг мағлубиятига умид қилмоқда

18 май куни Германияда навбатдаги чемпион аниқланади.

Шу куни ё "Бавария" ёки "Боруссия Дортмунд" Бундеслигада чемпионликни нишонлайди. Маълумки, ҳозирда жамоаларни икки очко ажратиб турибди. "Бавария" охирги турни ўз майдонида "Айнтрахт" клубига қарши ўтказади. "Дортмунд" эса сафарда "Боруссия М" меҳмони бўлади. Ҳар икки учрашув бир хил пайтда - 18:30да бошланади. 

"Боруссия Д" ижрочи директори Ханс-Йоахим Ватске сўнгги тур олдидан интервью берар экан, шундай деди: "Ўтган турда биз ғалаба қозондик, "Бавария" дуранг қайд этди. Бу эса чемпионликни охирги турга қолдирди. Чемпионлик сўнгги турга қолганидан хурсандмиз. Тўғрисини айтсам, кўп ҳам босимни ҳис қилаётганимиз йўқ. Охирги турда ҳам майдонга тушиб, ўз ўйинимизни кўрсатган ҳолда ғолиб чиқишга ҳаракат қиламиз. Менимча, ҳозир "Бавария" кўпроқ босимда қолган. Уларни дуранг ҳам қониқтиради, аммо ютқазиб қўйишлари мумкин". 

Ханс-Йоахим Ватске шунингдек, "Бавария" билан орадаги фарқни ҳам ёдга олди: "Қишда биз жуда яхши вазиятда эдик. "Бавария"дан 9 очкога илгарилаб кетгандик. Аммо кейинчалик рақиб бизни қувиб ўтди. Эндиликда ҳаммаси охирги турга қолди. Ҳаммаси 18 май куни ҳал бўлади". "Боруссия Дортмунд" бош мураббийи Люсьен Фавр ҳам барчаси яхши бўлишига умид қилмоқда: "Биз Мёнхенгладбахда ғалаба қозониш учун бор кучимизни берамиз. Мен бу жамоани олдин бошқарганман ва уларни яхши биламан". 

Қизиғи шундаки, "Айнтрахт" ҳам "Бавария" устози Нико Ковачнинг собиқ жамоаси ҳисобланади ва у ҳам франкфуртликларни жуда яхши билади. Яна бир қизиқ факт шуки, агар "Бавария" чемпионликни қўлга киритса, жамоа 2000 йилдан бери биринчи марта чемпионликни ўз майдонида нишонлаган бўлади. Ваҳоланки, бунгача "Бавария" 12 бор Бундеслигада зафар қучган бўлиб, ҳамма чемпионлик сафар ўйинларида қўлга киритилган. 

Шундай экан, 18 май куни нима воқеалар рўй беришини кутамиз.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг