Хосеп Гвардиола: “Ғалаба қозонишда давом этаётганимиздан хурсандман”
21 окт 2017 22:56
Янгиликлар

Хосеп Гвардиола: “Ғалаба қозонишда давом этаётганимиздан хурсандман”

“Манчестер Сити” устози Хосеп Гвардиола “Бернли” (3:0) устидан қозонилган ғалабадан кейин ўйин ҳақидаги фикрлари билан ўртоқлашди.

“Ижобий натижага эришганимиздан хурсандман. Иккинчи бўлимда ажойиб ўйин кўрсатдик. Тўпни кўпроқ назорат қилаяпмиз, иккинчи ва учинчи голдан кейин ўйин тақдири ҳал бўлганди. Ғалаба қозонишда давом этаётганимиздан хурсандман.

Биринчи гол содир бўлган вазиятдан олдин пеналти бўлганди. Агуэро яна битта гол урса, клубнинг мутлақ тўпурарига айланади. Бунинг учун у жамоадан миннатдор бўлиши лозим. Балки бизни кечки овқатга таклиф қилиши керакдир....

Умуман яна битта гол ўтказмасдан ғалаба қозонганимиз яхши бўлди. Бизда голлар уриш учун кўплаб имкониятлар бўлмоқда. Аммо рақиб посбони яхши “сейв”ларни намойиш этди. Биз ҳимояда ҳам, ҳужумда ҳам стабил ҳаракат қилдик.

11 ўйиндан иборат ғалабали серия? Бу каби рекордларни қайд этиш ёқимли, қачонки қандайдир совринларни қўлга киритсанг... Бу кўп нарсани англатади. Албатта қаторасига 11 та ўйиндан ғалаба қозониш осон иш эмас, шу боис бу жуда яхши ҳолат”, дейди Гвардиола.

Ҳавола :

Манба : BBC

Янгиликларни Телеграмда ўқинг!

Рейтинг: +1