Хориждан мураббий, "Пахтакор"нинг уч футболчиси ва "Навбаҳор" ҳимоячиси "Локо"га ўтиши мумкин

Куни кеча Темур Кападзега эҳтиром кўрсатиб мураббий билан хайрлашган "темирйўлчилар" режасидан хориждан мутахассис жалб этиш режаси мавжуд.

Шунингдек, клуб раҳбарияти аллақачон янги мавсум учун таркибни кучайтириш ишларини бошлаб юборган ва бир қанча футболчилар билан музокараларга киришган.

Тасдиқланмаган, лекин "championat.asia" сайтига маълум бўлишича, "Локо" айни пайтда "Пахтакор"да икки мавсумн ўтказган ва "темирйўлчилар"нинг собиқ футболчиси ҳисобланган марказий ярим ҳимоячи Садриддин Абдуллаев билан келишувга эришган. Шунингдек, клуб "Пахтакор"дан яна Жавоҳир Сидиқов ва Акром Комиловга ҳам қизиқмоқда ва футболчилар билан музокарага киришган. Мазкур футболчиларнинг йил якунида "Пахтакор" билан тузган шартномаси тугайди.

Айтиш керакки, Абдуллаев, Сидиқов, Комилов жорий мавсумни асосан захирада ўтказишди ва асосий таркибнинг муқим футболчилари саналишмайди. Шу боисдан ҳам бу футболчилар кейинги фаолиятларини бошқа жамоа билан боғлашлари мумкин.

"Локомотив" "Навбаҳор" ҳимоячиси Хуршид Мухторовнинг хизматларига ҳам бефарқ эмас ва чап қанотга ушбу футболчини ҳам таклиф этмоқчи.