UZ

Сўнгги янгиликлар

17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  6 16:20"Евро-2024"да ҳеч ким Англия билан тенглаша олмайди"  6 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0

Хоразмлик ёш футболчилар қувончи Янгиликлар

Хоразмлик ёш футболчилар қувончи

Теглар :  Хоразм
Урганч шаҳрида ёш футболчилар ўртасида 1 октябрь – Ўқитувчи ва мураббийлар куни муносабати билан очиқ биринчилик уюштирилди.

Урганч шаҳрида Спорт ўйинлари ва енгил атлетикага ихтисослаштирилган болалар-ўсмирлар спорт мактаби (СЎЕАИБЎСМ) раҳбарияти ташаббуси билан 2005-2006 ва 2007-2008 йилларда туғилган ёш футболчилар ўртасида 1 октябрь – Ўқитувчи ва мураббийлар куни муносабати билан очиқ биринчилик уюштирилди.

Бир неча кун давом этган мусобақада Хоразм вилояти ва Қорақалпоғистон республикаси  жамоалар иштирок этди. Катта ёшли болалар мусобақасида 13 та жамоа майдонга ғолиблик учун баҳс юритди. Ушбу биринчиликда “Хоразм” жамоасининг собиқ футболчиси, тажрибали мураббий Илёс Хайров устозлик қилаётган Урганч шаҳрининг “Ёшлик” жамоаси футболчилари ғолибликни қўлга киритди. Иккинчи ўрин Гурлан туманининг “Гурлан”жамоасига насиб этди. Фахрли учинчи ўриндан Нукуснинг “Нукус” ва Урганч шаҳрининг “Наврўз” жамоалари жой олишди.



Шунингдек, 12 та жамоа қатнашган кичик ёшли “чарм тўп” усталари биринчилигида “Бинокор”(Урганч шаҳри, мураббийи Шоҳрух Ёқубов) жамоаси ғолиб чиқди. “Олимпия”(Урганч шаҳри)  жамоаси иккинчи, “Ғайбу”(Урганч тумани) ва “Олимпия”(Урганч шаҳри) жамоалари учинчи ўринни эгаллашди.

- Спорт мактабимизда умумхалқ байрамлари ва шонли саналар муносабати билан мусобақалар ўтказишни анъанага айлантирганмиз, - дейди СЎЕАИБЎСМ директори Жамоладдин Абдуллаев.- Албатта, Ўқитувчи ва мураббийлар куни ҳам бундан мустасно бўлмади. Бу билан фарзандларимизга қувончли онларни туҳфа этдик. Ўз навбатида ёш футболчиларимиз чиройли ўйинлари билан барчада илиқ таассуротлар қолдиришди. Бундан жуда хурсандмиз.


Мусобақанинг ёпилиш маросими байрамона тарзда ташкил этилди. Тадбирда қатнашган Хоразм вилояти жисмоний тарбия ва спорт бошқармаси бошлиғи Шокир Мадаминов ғолиб ва совриндор жамоалар футболчиларини эришган муваффақиятлари билан қутлаб, уларни тегишли даражадаги диплом ва медаллар билан тақдирлади.

Кези келганда айтиб ўтиш жоизки, мазкур биринчиликни юқори савияда уюштирилишида спорт мактабининг директори Жамоладдин Абдуллаев, директор ўринбосари Азамат Аржанов, йўриқчи-услубчи  Анвар Алимов, катта мураббий Алишер Рўзметов ва бошқалар ўзларининг муноси улушини қўшишди.

Икром ХУДОЙБЕРГАНОВ.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика