"Хоразм"бош мураббийи Руслан Аҳмедов: "Суперлигага чиқиш бир йилда амалга ошадиган нарса эмас"

"Ушбу учрашувга жиддий тайёргарлик кўрган эдик. Мухлисларни ғалаба билан табриклайман. Қайсидир маънода футболчиларда ҳаяжон сезилд. Уч йиллик стратегия тузганмиз. Бу дегани жамоани ёшартириш. Худо хоҳласа мана шу вақт ичида жамоани Суперлигага олиб чиқадиган даражага келтиришга ҳаракат қиламиз. Бу бир йилда амалга ошадиган нарса эмас. Бу йилдан секин аста маҳаллий тарбияланувчиларга эътибор қаратилади. 

"Арал Самали" жамоаси бизга қараганда тажрибалироқ. Иккинчи бўлимда тактик томондан ўзгариш қилдик. Хавфли вазиятлар кўп бўлди. Ташкилотчилик ҳақида гапирсам, йиғинни кечроқ бошладик. Мураббий масаласи ҳал бўлмаётганди. Клуб раҳбарияти бизга жиддий таклиф билан чиқди. Жамоа 60 фоиз тайёр. 

Молиявий ҳолатимиз ўртамиёна. Муҳитни ушлаб туриш учун ҳам тажрибали футболчилар керак. Лекин барқарор тарзда ёшларга ишонч билдирамиз. Таркибдан 70 фоиз кўнглим тўлди. Ўйин амалиёти ҳали яна керак",- деди Руслан Аҳмедов.