Хитой. Исмоилов жамоаси "Гуанчжоу"ни мағлуб этди

Ҳамюртимиз Артём Филипосян тўп тепаётган "Ляонинг Хонгюн" клуби ўз уйида "Шаанси Чанба" билан ўйнади. Баҳс 1:2 ҳисоби билан тугади.

Филипосян 72-дақиқада ўз ўрнини жамоадошига бўшатиб берди. "Ляонинг" 3 учрашувда 2 очко тўплаб мусобақа жадвалининг 12-поғонасида бормоқда. Клуб кейинги ўйинни 28 март куни сафарда "Шандонг Луненг"га қарши ўтказади.

"Ляонинг Хонгюн" - "Шаанси Чанба" 1:2
Голлар: Зао Зунзе 16 - Ю Хаи 42, К.Мачински 80

Анзур Исмоилов фаолият олиб бораётган "Чанчун Ятаи" клуби сафарда амалдаги мамлакат чемпиони, ОЧЛ-2013 ғолиби "Гуначжоу Эвергранд" меҳмони бўлиб 3:1 ҳисобида ғалаба қозонди. Учрашувда Исмоилов тўлиқ ўйнади ва огоҳлантирилди. Клуб 4 очко билан мусобақа жадвалининг 7-поғонасидан ўрин олган. "Чанчун" 29 март куни сафарда "Далиан Аэрбин" меҳмони бўлади.

"Гуанчжоу" - "Чанчун Ятаи" 1:3
Голлар: Элкесон 58 пенальти - Бечирай 36, Иглесиас 40, Эниньо 50.