Хайрулла Каримов: "Ҳисоб ўйинга мос бўлди"

Ўйин ҳақида

- Бугун очиқ ўйин гувоҳига айланди. Мухисларга ҳам ушбу баҳс манзур бўлди деб ўйлайман. Ҳисоб ҳам ўйинга мос кўринишга келди.

- Таркибда йўқотишлар ўрнини тўлдириш мақсадида қандай ўзгаришлар амалга оширдингиз?

- Жароҳатлар футболчи билан ҳар доим ёнма-ён юради. Йўқотишларнинг ўрнини тўлдиришга ҳаракат қилдик. Ҳаттоки тўлиқ тикланишга улгурмаган Аҳмадалиевни ҳам ўйинга қўйишга мажбур бўлдик. Йигитларга ҳам ўйин учун миннатдорчилик билдираман, улар қўлидан келганича ҳаракат қилишди. 

- АГМК иккинчи бўлим бошини шиддатли ҳужумлар билан бошлади. Танаффусда қандай кўрсатмалар бердингиз?

- Ҳисобда ортда қолаётганда гол уриш табиий ҳол. Олдинга боришга мажбур эдик. Шу боис, шогирдларим бор имкониятини ишга солишди ва бу ўз натижасини берди. Бироз бўшашмаганимизда уч очкони ҳам қўлга киритишимиз мумкин эди.