Виталий Денисов: “Волга” футболчиси четлатилмаган тақдирда ҳам, ғалаба қозонардик”

— Ўзи илк дақиқаларда жамоалар ҳамиша бир-бирларини ўрганишади. Бугун ҳам шундай бўлди. Рақибнинг заиф нуқтаси ва хато қилишини кутдик. Биринчи бўлим ўрталарида “Волга” дарвозаси томон босимни кучайтирдик ва бу кейинчалик ўз самарасини берди. Қолаверса, меҳмонлар футболчисининг майдондан четлатилиши ҳам йирик ҳисобдаги ғалабамизга замин яратди.

— Вазият қизил карточкага тортармиди?

— Бўлмасамчи? Рақиб футболчиси орқадан оёққа зарба берди. Агар қоида бу тарзда қўпол бузилмаганида, бизнинг ўйинчимиз жарима майдончасига ёриб кирарди. Ўша ҳужум гол билан якунланиши мумкин эди. Шахсан мен бу қоида бузилишини сўнгги умид чораси сифатида қабул қилдим.

— Танаффус вақтида Кучук нима деди?

— Янада босимни кучайтириш ва ҳисобни имкон қадар йирик кўринишга келтириш кераклигини айтди. 1:0 қалтис ҳисоб, қайсидир жарима зарбаси ёки бурчакдан узатиладиган тўп мувозанатнинг тикланишига хизмат қилиши ҳеч гап эмасди. Мураббий айнан шу нарсалардан бизни воқиф этди.

— Четлатиш — ўйиннинг кульминацион ҳолати бўлдими?

— Бундай деб ўйламайман. Биз ўйинчи четлатилишигача ҳам бир нечта ҳавфли вазиятларни юзага келтиргандик. Ўйлашимча, рақиб тўлиқ таркибда ўйнаган тақдирида ҳам, бугун ғалаба биз томонда бўларди.

— “Зенит”нинг вақтинча бўлсада, 1-ўринга чиқиб олишини қандай қабул қилдингиз?

— Мен бошақа жамоаларнинг ўйинларини кузатмайман. Айниқса, бу икки жамоа бир кун фарқи билан ўз ўйинларини ўтказди. Тўғри, ҳаёлимнинг бир четида Питердаги ўйин ҳам бор эди. Лекин такрор айтаман, бор эътиборим “Волга” билан учрашувга қаратилганди.

— Бугунги учрашув ўтган турда “Спартак”ка қарши кечган ўйиндан нимаси билан фарқ қилди?

— Бугун биз ўзимиз яратган вазиятлардан унумли фойдалана олдик. Агар эсласангиз, “Спартак” билан ўйинда ҳам етарлича ҳавфли вазиятларни юзага келтирган эдик. Аммо, улардан фойдаланиш фоизи камроқ бўлганди.

Шу ўринда кечаги ўйин қайдномасини келтириб ўтамиз.

«Локомотив» - «Волга» 3:0 (1:0)
Голы: Самедов, 32 (1:0) – пенальтидан. Майкон, 47 (2:0). Н’Дойе, 72 (3:0).
«Локомотив»: Гилерме, Янбаев, Чорлука, Дюрица, Денисов, Шишкин, Шешуков, Самедов, Ал. Миранчук (Оздоев, 63), Майкон (Ткачев, 76), Н'Дойе (Павлюченко, 73).
«Волга»: Парейко, Ковальчик, Польчак, Чичерин, Да Силва, Каряка (Миносян, 62), Шуленин, Концедалов (Ропотан, 83), Путило, Алдонин, Даниленко (Саркисов, 46).
Четлатиш: Польчак, 25.
7 апрель. Москва. "Локомотив" стадиони. 8 110 томошабин.