Виртуал футбол бўйича "UCG-FIFA CUP" Республика очиқ турнири старт олмоқда

Республика Гранд финали Тошкентдаги "Бунёдкор" стадионида бўлиб ўтади ва ундаги TOP 20 ўйинчилар FIFA17 дан старт оладиган "PCFL" Олий лигасига, TOP 36 эса "PCFL" биринчи лигасига йўлланма оладилар.

Турнирни ўтказишдан мақсад Ўзбекистонда кибер футболни ривожлантириш ва ёш футбол ишқибозларининг бўш вақтини мазмунли ўтказиш.

Саралаш баҳслари Тошкент, Фарғона, Урганч, Қарши, Бухоро ва Самарқанд шаҳарларида бўлиб ўтади.

Тошкент шаҳри ва Тошкент вилояти вакиллари учун саралаш пойтахтда ўтказилади.

Фарғонада водий аҳли учун, Бухорода Бухоро ҳамда Навоий вилоятлари вакиллари учун, Самарқандда Самарқанд, Гулистон ва Жиззах вилояти иштирокчилари учун, Қаршидаги саралаш Қашқадарё ва Сурхондарё вилояти вакилларига, Урганч шаҳридаги саралаш баҳслари эса Хоразм вилояти ва Қорақалпоғистон Республикаси вакиллари учун ўтказилади.

Саралаш баҳсларидан муваффақиятли ўтган иштирокчилар Тошкентдаги "Бунёдкор" стадионида "Гранд Финал" мусобақасида иштирок этишади. Эслатиб ўтамиз, мусобақада 18 ёшга тўлмаганлар иштирок эта олишмайди.

Ташкилотчи "Virtual Football" компанияси.