Виктор Карпенко: "Жамоамизнинг кучсиз чизиғи йўқ"
11 май 2015 09:30
Янгиликлар

Виктор Карпенко: "Жамоамизнинг кучсиз чизиғи йўқ"

Олий лига 8-тур беллашуви "Шўртан" - "Олмалиқ" (3:3) ўйинидан кейин мезбонлар сардори ҳамда етакчиси Виктор Карпенко ўйин ҳақидаги ўз фикрларини билдириб ўтди.

"Ғалаба қўлдан бой берилди. Умуман ўйин ҳақида нима дейиш мумкин? Жамоамизнинг ҳар бир чизиғи ўзига хос кучли. Жамоамизнинг кучсиз чизиғи йўқ. Бизда ҳеч бир позицияни кучсизроқ дея олмаган бўлардим. Ҳужум чизиғимиз бироз кишини ранжитмоқда. Ҳозирча ҳужумчилар гол уришда бироз оқсашмоқда. Лекин биз ҳар учрашувда голлар уриб турибмиз. Ҳа бизга нимадир етишмай қолмоқда. Ўйлайманки, вақт ўтиши билан ҳаммаси изига тушиб кетади. Кейинги барча ўйинларда фақат ғалаба илинжида майдонга тушамиз. Менинг "дублим"? Асосийси жамоам ғалабаси. Мен иккита гол урган бўлсамда бу жамоага катта наф келтирмади. Шуниси мени хафа қилди", - дейди "Шўртан" жамоаси сардори Виктор Карпенко.

Эслатиб ўтамиз, Виктор Карпенко "Олмалиқ"га қарши ўйинда рақиблар дарвозасига икки бор йўл топа олди.

Шаҳбоз Беғамов ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: