Вьетнам U-20 термаси устози: "Биз тўплаган 6 очко гуруҳдан чиқишимизни кафолатламайди"

Бугунги учрашув бўйича фикрларингизни билдириб ўтсангиз?

– Биринчи навбатда футболчиларни ғалаба билан табриклайман. Биз ушбу учрашувни ғалаба билан якунлаб олдик ва бизнинг кейинги рақиб Эрон терма жамоаси, кейинги рақибга тайёргарлик кўришни бошлашимиз керак.

Кейинги рақибингиз Эрон ҳақида гапириб ўтсангиз?

– Вьетнам терма жамоаси 6 очко тўплаб бўлди ва гуруҳ босқичидаги сўнги учрашув Эронга қарши бўлади, аммо биз тўплаган 6 очко гуруҳдан чиқишимизни кафолатламайди ва шу сабаб Эронга қарши яхши ўйин намойиш этишимиз керак, агар биз гуруҳ босқичидаги сўнги учрашувда очко ишлай олмасак, гуруҳда қолиб кетишимиз мункин, шу сабаб уччинчи тур баҳси биз учун жуда муҳим.

Вьетнам термаси футболчиси Ван Хванг (man of the match)

Бугунги ўйиндаги иштирокингиз ҳақида фикр билдирсангиз?

– Бугун барча йигитлар сўнги дақиқагача майдонда жанг қилишди ва менинг фикримча ғалабага лойиқ эдик.

Бугун Вьетнам учун иккинчи ғалаба бўлди, учрашувдан сўнг футболчиларниг ҳурсандчилиги ва эмоциялари ҳақида айтиб берсангиз?

– Барча йигитлар жуда ҳурсанд, чунки биз бу натижага эришиш учун катта меҳнат қилдик ва қийин йўлни босиб ўтдик.

Абдулвосит Бектемиров ёзиб олди