Вьетнам U-20 термаси устози: "Австралия билан баҳсда бор салоҳиятимизни ишга солишга ҳаракат қиламиз"
28 фев 2023 15:37
Янгиликлар

Вьетнам U-20 термаси устози: "Австралия билан баҳсда бор салоҳиятимизни ишга солишга ҳаракат қиламиз"

Вьетнам U-20 терма жамоаси бош мураббийи Хоанг Ан Туан U-20 Осиё Кубоги олдидан ўтказилган матбуот анжуманида қуйидаги фикрларни билдирди.

- Жамоада турнирга тайёргарлик қандай ўтди?

- Бизда ушбу мусобақага келишдан олдин тайёргарлик учун 2 ҳафта вақт бор эди, Тошкентга келгунга қадар яхши тайёргарлик кўрдик. Мусобқага келишдан олдин 2 та назорат учрашуви ўтказдик Саудия Арабистони U-20 термаси ва Дубай жамоаси билан ўйнадик.

- Жаноб мураббий, ертанги рақибларингизнинг кучли ва кучсиз томонлари ҳақида гапириб ўтсангиз?

- Австралия терма жамоасига қарши футболчилик фаолиятимда ўйнаганман. Австралия U-17, U-18, U-20 терма жамоалари билан ўйнаганмиз ва U-23 терма жамоасининг учрашувларини таҳлил қилиб чиқдим ва улар кучли жамоа деб ўйлайман.

- Турнирга тайёргарлик жараёнида жароҳат олган ўйинчиларингиз борми?

- 1-тур учрашувига барча ўйинчиларимиз тайёр. Эртага бор салоҳиятимизни ишга солишга ҳаракат қиламиз.

- Мусобақадаги атроф-муҳит ва об-ҳаво қандай, сизларга қийинчилик тўғдирмаяптими?

- Биз йиғин ўтказган ҳудуд илиқ эди, бу ерда эса ҳаво салқин экан, лекин ҳаво жуда тоза ва бундай об-ҳаво бизга муаммо тўғдирмайди.

"B" гуруҳида жойлашган термалар Австралия ҳамда Вьетнам ўртасидаги учрашув эртага Фарғонадаги "Истиқлол" стадионида 15:00 да старт олади.

Ҳавола :

Манба : championat.asia

Янгиликларни Телеграмда ўқинг!

Рейтинг: +1