Варан: "Франция ва Бельгия - кучли жамоалар, ярим финалда фаворит йўқ"
07 июл 2018 17:12
Янгиликлар

Варан: "Франция ва Бельгия - кучли жамоалар, ярим финалда фаворит йўқ"

Франция терма жамоаси ҳимоячиси Рафаэль Варан Бельгияга қарши бўлиб ўтадиган ЖЧ-2018 ярим финал учрашуви ҳақида фикр билдирди.

"Жамоамиз ёш ва ушбу турнирда тажриба тўпламоқда. Тезкор ҳужумлар ва комбинацион ҳаракатлар бизни бир жамоага айлантирмоқда. Ўйинимизни янада ривожлантиришимиз мумкин, бу бизнинг кучли томонимиз.

Ромелу Лукаку - ҳар қандай ҳимоя учун муаммо. Унга иложи борича кам жой бериш керак, чунки у барча бўш ҳудуддан фойдалана олади.

Жаҳон чемпиони бўлмоқчимиз. Мухлисларимиз биз билан фахрланишини истаймиз. Ярим финалда фаворит йўқ. Иккита кучли жамоа бор. Бизни қийин баҳс кутиб турибди, аммо Бельгия билан баҳсда бор кучимизни ишга соламиз" - дейди Варан.

Ҳавола :

Манба : RMC Sport

Янгиликларни Телеграмда ўқинг!

Рейтинг: +1