Валентин Коваленко бригадаси ОЧЛ-2014 саралаш ўйинини бошқаради

15 февраль куни Осиё Чемпионлар лигаси 3-саралаш босқичи ўйинлари ўтказилади. Шу куни Хитой чемпионати 3-ўрин соҳиби, Пекиннинг «Бейжинг Гуоан» клуби ўз майдонида 2-саралаш босқичи ғолибини қабул қилди. Бунда хитойликларга Сингапурнинг «Тампинес Роверс», Гонгконгнинг «Саут Чайна» ёки Таиланднинг «Чонбури» клублари рақиблик қилиши мумкин.

ОФК ОЧЛ-2014 гуруҳ босқичи йўлланмаси тақдири ҳал этиладиган муҳим ўйинни ўзбекистонлик ФИФА рефериси – Валентин Коваленко бошчилигидаги ҳакамлар бригадасига ишониб топширди. Коваленкога қанотларда Рафаэль Илёсов ва Маъмур Саидқосимов ёрдам берса, Ильгиз Танташев тўртинчи ҳакам сифатида хизматда бўлади.

Қайд этиш жоиз, Осиёнинг элит ҳакамлари қаторига кирувчи Валентин Коваленко Осиё Чемпионлар лигаси баҳсларини бошқариш учун мунтазам таклифлар олади.

ОЧЛ-2014, 3-саралаш босқичи учрашуви
15 февраль, шанба
«БЕЙЖИНГ ГУОАН» (Хитой) – 2-саралаш босқичи ғолиби («ТАМПИНЕС» (Сингапур), «САУТ ЧАЙНА» (Гонконг) ёки «ЧОНБУРИ» (Таиланд)
Бош ҳакам: Валентин Коваленко (Ўзбекистон).
Ён қанот ҳакамлари: Рафаэль Илёсов (Ўзбекистон), Маъмур Саидқосимов (Ўзбекистон).
Тўртинчи ҳакам: Ильгиз Танташев (Ўзбекистон).
Назоратчи: Азими Бин Абдуллоҳ (Малайзия).
Комиссар: Ким Даэ Ап (Жанубий Корея).