Bu borada terma jamoa bosh murabbiyi Vadim Abramovning fikrlari bilan qiziqdik.
"Ha, bu xabarni eshitdim. Menimcha OFK terma jamoa a'zolari etarli darajada o'yin amaliyotiga ega bo'lmagani uchun va pandemiya ortga chekinmayotgani bois shunday qarorga keldi deb o'ylayman.
Sentyabr oyida Tojikiston va Eron bilan o'rtoqlik o'yinlarimiz bor. Umid qilamanki bu o'yinlar bo'lib o'tadi. Bundan tashqari oktyabr va noyabr oyida ham o'rtoqlik uchrashuvlari o'tkazishga harakat qilamiz. Barchasi pandemiya qanday davom etishiga bog'liq bo'ladi. Terma jamoa futbolchilarini yig'ib ular bilan ishlash uchun ko'proq vaqtimiz bo'ladi", - deydi Vadim Abramov championat.asia saytiga.
