"Универсиада-2016": Фарғона терма жамоаси финал босқичида

Водий минтақасида бўлиб ўтган саралаш босқичида фарғоналик талабалар биринчи ўринни олган ҳолда финал йўлланмасига эга бўлишди.

Ўйинлар Наманган шаҳрида бўлиб ўтди. Баҳром Ҳайдаров бошчилик қилган Фарғона терма жамоаси ҳар икки учрашувда ғалаба қозонишга эришди. Аввалига андижонлик талабалар 6:0 ҳисобида доғда қолдирилди. Бу орада мезбонлар – Наманган терма жамоаси андижонлик талабаларни 8:0 ҳисобида мағлубиятга учратди.

Сўнгги ўйин – Наманган – Фарғона баҳсида финал босқичи йўлланмаси ҳал бўлиши лозим эди. Майдон эгаларини ҳатто дуранг натижа ҳам қониқтирарди. Лекин бу сафар ҳам учрашувни кутаринки руҳда ўтказган Фарғона терма жамоаси 3:1 ҳисобида рақибдан устун келди ва финал босқичида иштирок этиш ҳуқуқини қўлга киритди.

Таниқли мутахассис Баҳром Ҳайдаров бошқарган Фарғона терма жамоаси сафида Шукурали Пўлатов, Дилёр Эрматов, Иқбол Бобохонов, Сардор Мирзаев каби маҳортли футболчилар тўп суришди.  “Қўқон-1912” жамоасининг умидли ўйинчиси Иқбол Маликжонов ҳам Фарғона вилояти терма жамоаси шарафини ҳимоя қилганини таъкидлаш жоиз.
 

Универсиада – 2016
Футбол. Саралаш босқичи
Водий минтақаси
 
Фарғона – Андижон – 6:0
Наманган – Андижон – 8:0
Наманган – Фарғона – 1:3
 
Фарғона        2   2   0   0   9-1     6
Наманган      2   1   0   1   9-3     3
Андижон       2   0   0   2   0-14   0
 

Аброр Деҳқонов