U-23 Осиё чемпионатидаги рақибимиз Эрон ўртоқлик учрашувида ғалаба қозонди
18 окт 2019 14:00
Янгиликлар

U-23 Осиё чемпионатидаги рақибимиз Эрон ўртоқлик учрашувида ғалаба қозонди

2020 йил Таиландда навбатдаги U-23 Осиё чемпионати бўлиб ўтади.

Ўзбекистон олимпия терма жамоаси билан бир гуруҳдан жой олган Эрон U-23 жамоаси мусобақага тайёргарлик чоғида Австралия олимпия терма жамоаси билан ўртоқлик учрашуви ўтказди.

Қатар пойтахти Доҳада бўлиб ўтган мазкур беллашувда эронликлар 2:1 ҳисобида ғалаба қозонишди. Али Шожайи 5-дақиқадаёқ тўп киритиб жамоасини олдинга олиб чиққан бўлса, Ареф Агаси 30-дақиқада ўз номини таблога ёздириб қўйди. Австралия термаси эса 47-дақиқада пенальтидан гол урди.

Эслатиб ўтамиз, Ўзбекистон U-23 терма жамоаси "C" гуруҳида Эрон, Хитой ва Жанубий Кореяга қарши баҳс олиб боради. U-23 Осиё чемпионати 8-26 январь кунлари Таиландда бўлиб ўтади ва якунда кучлик учликдан жой олган жамоалар Токио-2020 Олимпиада ўйинларига йўлланма олади.

Ҳавола :

Манба : tehrantimes.com

Янгиликларни Телеграмда ўқинг!

Рейтинг: +12