Португалиялик мутахассис бу ҳақда Чемпионлар Лигаси доирасидаги "Рома"га қарши баҳсдан (4:3) сўнг айтиб ўтди.
"Винисиус билан боғлиқ вазият, яъни ўйиндан 1 соат олдин унинг 4 та ўйинга дисквалификация қилингани аниқ бўлиши — бу ҳурматсизлик белгиси. Наҳотки буни ҳозир ёки эрталаб қилишнинг иложи бўлмаган бўлса? У буни автобусда билиб олиши шартмиди? Уларда виждон йўқ. Улар ўйиндан 1 соат олдин футболчини руҳий жиҳатдан синдиришга ҳаракат қилишди", – дея Моуриньюнинг сўзларини “Madrid Xtra”.
Винисиус "Вильярреал"га қарши учрашувда тўғридан-тўғри қизил карточка олгани учун икки ўйинга четлатилганди — бразилиялик футболчи Натан Салибанинг сочидан тортиб олганди. RFEF (Испания қироллиги футбол федерацияси) тартиб-интизом қўмитаси четлатишдан кейин ҳакам билан баҳслашгани учун бунга яна 2 та ўйин қўшиб берди.
Вингер "Севилья", "Барселона", "Расинг" ва "Валенсия" билан бўладиган учрашувларни ўтказиб юборади. "Реал" ушбу қарор устидан апелляция бериш ниятида.
