UZ

Сўнгги янгиликлар

23:22Рэшфорд "Хетафе"га қарши баҳс куни Флик томонидан жазоланган экан  1 22:20BALLON D'OR-2025  25 22:13"Реал ТВ": "Барселона" рақиблари ҳар 3,8 та қўполлик учун сариқ карточка олишмоқда  9 20:57"Реал"нинг асосий юлдузларидан бири январда жамоани тарк этиши мумкин  6 19:53УEФА Исроилни барча Европа мусобақаларидан четлаштириш ниятида  18 19:22Бензема Европага қайтиши мумкин: Моуринью Каримни "Бенфика"га чақирди  5 18:54Рубен Диаш: "Арсенал" билан ўйин биз учун ноодатий кечди"  0 18:27Артета: "Биз "Сити" билан ўйинда доминантлик қилдик"  6 18:00"Олтин тўп" ва "The Best" мукофотлари ўртасида қандай тафовут мавжуд?  11 17:38"Реал" "Олтин тўп" маросимини бойкот қилди  38 17:12"Манчестер Юнайтед" футболчиси Instagram ва Facebook'даги барча суратларни ўчириб ташлади. Мухлислар уни бунга мажбур қилди  3 16:45Футзал. Ўзбекистон - Шарқий Тимор 7:1  6 16:14"Барселона" Ҳоландга кўз тикди  12 15:47ПСЖ "Олтин тўп"ни топшириш маросимида қатнашмайди. Нима учун?  18 15:25Хет-трик қайд этган легионер, рақибни тор-мор келтирган мураббий, финт билан гол урган футболчи — Суперлигада 22-турнинг энг яхшилари  10

U-20 ЖЧ. Валентин Барко: "Гуруҳ босқичидаги рақибларимиз ҳақида яхши биламиз ва доим етакчи бўлишга интиламиз" Янгиликлар

U-20 ЖЧ. Валентин Барко: "Гуруҳ босқичидаги рақибларимиз ҳақида яхши биламиз ва доим етакчи бўлишга интиламиз"

Аргентина ёшлар терма жамоаси ва "Бока Хуниорс" клуби ҳимоячиси Валентин Барко бўлажак жаҳон чемпионати олдидан ўз фикрлари билан ўртоқлашди.

"Аргентина терма жамоаси таркибида бўлиш ажойиб. Қолаверса, бу масъулият талаб қиладиган ёқимли туйғу ҳисобланади. Қайдномадан ўрин олдим, ўз ишимни аввалгидек хотиржам ва масъулият билан бажаришга ҳаракат қиламан. Мени кимгадир таққослаши — нормал ҳолат, бунга кўп эътибор бермайман. 

Жанубий Америка минтақасидаги мусобақага бора олмадим, бироқ Маскерано сабрли бўлишим ҳамда чақириладиган вақтим келишини айтганди. Ўшанда тўпиғимдан жароҳатлангандим, бу эса менга тинчлик бермасди. 

Маскеранонинг терма жамоа учун нима ишлар қилганини барча билади. У техник жиҳатдан кўп нарсаларни ўргата олади. Биз мураббийнинг ишончини оқлашга ҳаракат қиламиз. 

Унинг мендан талаб қилаётган жиҳатини уқиб олишга ҳаракат қиламан. Маскерано билан тактикалар устида кўп суҳбатлашаман. 

Менга Лука Ромеронинг ўйини ёқади. У билан U-15 ва U-19 терма жамоаларида бирга тўп тепганмиз. Биз яхши жуфтлик ҳосил қилгандик. 

Европа ва маҳаллий футболчиларнинг жисмоний жиҳатдан фарқ қилади, аммо барчамиз яхши ўйин кўрсата оламиз, шу боис Аргентина терма жамоасига чақирилганмиз. 

Гуруҳ босқичидаги рақибларимизнинг қандай ўйин намойиш этиши, рақибга нима таклиф эта олиши ва тактик схемалари ҳақида озми-кўпми биламиз. Биз ҳар доим етакчи бўлишга интиламиз ва қўлимиздан келган барча ишни амалга оширамиз. Шу билан бирга, мухлисларимизни хурсанд қилишга ҳаракат қиламиз", деди 18 ёшли чап қанот ҳимоячиси.

Эслатиб ўтамиз, аргентиналиклар гуруҳ босқичида Ўзбекистон, Гватемала ва Янги Зеландия билан кураш олиб боради. Гуруҳдаги илк ўйин юртдошларимизга қарши ўтказилади.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика