U-17 Осиё Кубоги финалида қизил карточка олган Сарсенбаев ЖЧ гуруҳ босқичида Ўзбекистон терма жамоасига ёрдам беролмайди
22 сен 2025 13:01
Янгиликлар

U-17 Осиё Кубоги финалида қизил карточка олган Сарсенбаев ЖЧ гуруҳ босқичида Ўзбекистон терма жамоасига ёрдам беролмайди

Ўзбекистон U-17 терма жамоаси ҳужумчиси Нурбек Сарсенбаев Саудия Арабистонига қарши финал учрашувидаги қизил карточка туфайли 3 та ўйинга четлаштирилган.

Шу йилнинг апрель ойида бўлиб ўтган U-17 финалида Ўзбекистон Саудия Арабистони билан тўқнаш келиб, якунда 9 киши бўлиб қолиб 2:0 ҳисобида ғалаба қозонганди. Мазкур учрашувнинг 40-дақиқасида майдондан четлатилган футболчига 3 ўйинлик дисквалификация жазоси белгиланган.

У терма жамоа билан 3-25 ноябрь кунлари ўтказиладиган Жаҳон чемпионатига йўл олса, гуруҳ босқичида Парагвай, Ирландия ва Панамага қарши беллашувларни ўтказиб юборишига тўғри келади.

Аввалроқ Ўзбекистон U-17 терма жамоасининг навбатдаги йиғинига чақирилган футболчилар рўйхати маълум қилинган эди.

Ҳавола :

Манба : Championat.asia

Янгиликларни Телеграмда ўқинг!

Рейтинг: -4