Тухель ва "Бавария" етакчилари ўртасида можаро юзага келди

"Бавария" бош мураббийи Томас Тухель Жошуа Киммих туфайли бир қатор футболчилар ва ҳатто клуб раҳбарияти билан тушунмовчиликка борди. Бу ҳақда "Bild" ёзмоқда.

Мураббий ярим ҳимоячининг мавсумолди даврдаги ўйинидан, шунингдек, Германия Суперкубогидаги ҳаракатларидан қониқмади. Аммо Тухел кўпроқ футболчининг жисмоний ҳолатидан хавотир олмоқда. Унинг фикрича, Жошуа Киммих таянч зонасида эмас, балки ярим ҳимоянинг олдинги чизиғижа, яъни "саккизинчи рақам" позициясида самаралироқ ўйнайди. Киммихга бу ўзгаришлар ёқмайди. "Бавария" футболчилари ва раҳбарияти Тухелнинг янги таянч ярим ҳимоячиси сотиб олиш талабидан ғазабда.