Тошкентда “Пахтакор-79” хотирасига бағишланган тадбирлар ўтказилди
11 авг 2018 11:41
Янгиликлар

Тошкентда “Пахтакор-79” хотирасига бағишланган тадбирлар ўтказилди

Бугун, 11 август куни “Пахтакор-79” аъзолари вафотига сабаб бўлган авиаҳалокат содир бўлганига 39 йил бўлди.

Шу муносабат билан 11 август куни Тошкентда “Пахтакор-79” хотирасига бағишланган тадбирлар ўтказилди.

Аввалига соат 09:00 да футбол жамоатчилиги “Пахтакор” стадиони ҳудудида жойлашган “Пахтакор-79” ёдгорлиги олдида тўпланди ва унда авиаҳалокат оқибатида ҳаётдан кўз юмган марҳум пахтакорчиларни хотирлади.

“Пахтакор” стадионидаги тадбир якунлангач, йиғилганлар авиафалокат оқибатида дунёдан кўз юмган футболчилар шарафига ўрнатилган ёдгорликни зиёрат қилиш учун “Боткин” қабристонига ташриф буюришди. Унда футбол жамоатчилиги Суперлиганинг бир қатор клублари ва мухлислар иштирок этишди.