UZ

Сўнгги янгиликлар

10:55Моуринью мураббийлик фаолиятини давом эттиришга яқин  0 10:42ОЧЛ-2. "Андижон"нинг рақибида жамоани ким бошқаради?  3 10:26"Атлетик" бош мураббийи: "Агар "Арсенал" Ла Лигада ўйнаганида, қаторасига 10 марта чемпион бўларди"  12 10:11"Пахтакор" – "Нефтчи" ва бошқа учрашувлардаги хатолар. Суперлиганинг 21-турида ҳакамлик таҳлили  3 09:58Аморимнинг хайдалиши "Манчестер Юнайтед"га қанчага тушиши ҳисоблаб чиқилди  13 09:30Равшан Мухадов: “Турнирда кучсиз жамоа йўқ”  4 09:02Максим Шацких: “Рақибни ҳурмат қиламиз, лекин қўрқмаймиз. Бу ерга дуранг учун келганимиз йўқ, ғалаба учун ўйнаймиз”  6 08:35Мессининг ажойиб ҳаратлари "Интер Майами"га ғалаба тақдим этди  3 08:09ОЧЛ 2. "Андижон" мусобақадаги ўз "юриши"ни бошлайди  26 08:02Элит ОЧЛ. "Ал Ҳилол" мусобақани ғалаба билан бошлади  2 06:15ЕЧЛ. "Реал Мадрид" ҳамда "Тоттенхэм" ўз майдонида ғалаба қозонди. "Ювентус" қўшиб берилган дақиқаларда мағлубиятдан қутулиб қолди, "Бенфика" эса "Қорабоғ"га ютқазди  23 02:05ЕЧЛ. "Реал Мадрид" илк турда "Марсел"ни мағлубиятга учратди  114 00:50Ямал жароҳати туфайли "Ньюкасл"га қарши ўйнамайди  2 00:00ЕЧЛ. "Арсенал" илк турда "Атлетик"ка қарши ишончли ҳисобда ғалаба қозонди  29 23:24Элит ОЧЛ. "Трактор" меҳмонда "Шабаб Ал Аҳли" билан дуранг ўйнади. Хамробеков 78-дақиқада майдонга тушди  0

Тошкентда аёл ҳакамлар учун ФИФА семинари бошланди Янгиликлар

Тошкентда аёл ҳакамлар учун ФИФА семинари бошланди

Ушбу семинарда 24 нафар аёл ҳакам – 8 нафар бош ҳакам, 11 нафар ёрдамчи ҳакам ва 5 нафар Ҳакамлар академияси тингловчилари иштирок этмоқда.

Бугун бўлиб ўтган семинарда ЎФА биринчи вице-президенти Равшан Эрматов ҳакамлик соҳасига, хусусан, аёл ҳакамлар ривожига қаратилаётган эътибор ҳақида сўз юритди. У ҳар бир ҳакам ўз устида доимий ишлаши, чет тилларини ўрганиши лозимлигини таъкидлади. Шунда улар замонавий ҳакам сифатида шаклланиши мумкинлигини қайд этди. Шунингдек, семинарда иштирок этаётган ҳакамлар ФИФА инструкторлари Родзали Якуб Муҳаммад, Али Траифи ва россиялик тажрибали аёл ҳакам Анастасия Пустовойтова томонидан берилаётган тавсияларни диққат билан тинглаши, фаол қатнашиши ва саволлар орқали ўз малакаларини ошириб бориши муҳимлиги айтиб ўтилди.  

ЎФА техник директори Ги Киала ҳам маросимда сўзга чиқиб, аёл ҳакамларнинг ўрни футбол ривожида тобора ортиб бораётганини таъкидлади. У ушбу семинар орқали ҳакамлар назарий билим ва амалий кўникмаларини ошириб, келгусида миллий ва халқаро майдонларда фаол иштирок этишларига ишонч билдирди.

Родзали Якуб Муҳаммад сўзга чиқиб, Ўзбекистон футбол ассоциацияси ва Ўзбекистон футбол ҳакамлар марказига кўрсатган меҳмондўстлиги учун миннатдорлик билдирди ва семинар қатнашчиларига муваффақият тилади.

Анастасия Пустовойтова ҳам таклиф учун ўз миннатдорчилигини билдириб, семинар давомида иштирокчиларга ўз билим, тажриба ва кўникмалари асосида тавсиялар беришини маълум қилди.

Семинар давомида ҳакамлар учун назарий ва амалий машғулотлар ташкил этилиши режалаштирилган. Шунингдек, ФИФА инструкторлари Али Траифи ва Анастасия Пустовойтова томонидан Ҳакамлар академиясида таҳсил олаётган ёш ҳакамларга ҳакамлик фаолиятининг асосий тамойиллари бўйича маърузалар ўқиб берилади.

Маълумот учун, семинар 30 июнга қадар давом этади.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика