"У менинг ватандошим, шунинг учун бу вазиятни енгил қабул қила олмадим. Биз мураббийлар бундай бўлиши мумкинлигини биламиз, лекин қачон содир бўлишини... Уни сал пал биламан. У ўз ишига қанча куч сарфлашини биламан. Бу янгилик унга зарба бўлди, албатта.
Биз нидерландияликмиз ва у "Аякс"да жуда яхши ишлагани ҳамда бу ерда иккита соврин ютганини биламиз. Шунинг учун тез орада уни яна катта клубда кўрамиз деб ўйлайман.
Аммо ҳозир у ва унинг оиласи учун бу... Фожиа - эҳтимол жуда кучли сўздир, лекин бу катта умидсизлик", - деди "Ливерпуль" бош мураббийи.
Тен Хаг 2022 йилнинг май ойидан бери "Манчестер Юнайтед"ни бошқариб келаётган эди. 2022/23 йилги мавсумда у МЮ билан Англия Лига кубогини қўлга киритди ва АПЛда 3-ўрин бўлди, ўтган мавсумда эса Англия кубогида зафар қучди ҳамда АПЛда 8-поғонани банд этди. Жорий мавсум эса жамоа Премьер лигада 14-ўринда бормоқда.
