Тен Хаг: "Бутун дунё эътибори шу ўйинга қаратилади"

"Аста-секинлик билан ғолиблик йўлини топиб боряпмиз, бизни мағлуб қилиш осон бўлмайди. Айни дамда тўғри йўлдамиз. Бу ўйиннинг аҳамияти юқори. Бу Манчестер дербиси, ички дерби, аммо бутун дунё эътиборини ўзига қаратади.

Доим ҳам тўп билан керакли даражада бўла олмаяпмиз, лекин прессингда яхши ҳаракат қиляпмиз. Тўпни олиб қўйиш бўйича АПЛ етакчиси бўлиб турибмиз. Ўйинни қандай ташкил қилишимиз кўриниб турибди.

Ҳужумга ўтиш фазасидаги устунлигимиздан фойдалана олмаяпмиз. Аммо фойдаланишимиз керак, чунки бунинг учун имкониятларимиз етарлича. Ривожланиш керак, шу орқали ўйинларни ўзимиз учун осонлаштирамиз", - деди тен Хаг.