Тен Ҳаг еврокубоклар ҳақида: "Бу каби баҳслар доим муҳим саналган. "Сосьедад"га қарши ўйинни интиқлик билан кутяпмиз"

"Бу гуруҳ босқичининг старти ҳисобланади. Биз ушбу турнирдаги ҳар бир учрашувда ғалаба қозонишни хоҳлаймиз. Айнан шундай менталитет ҳозир бизга зарур. Гуруҳдан чиқиш учун камида 2-ўринни эгаллаш керак. Шундай экан, илк ўйиндаги ғалаба жуда ҳам муҳим.

Менга еврокубоклар ёқадими? Бу ўйинлар ҳар доим ўзгача бўлиб келган. Турли мамлакатларнинг турли хил услуб ва тизимга эга яхши клублари билан рақобатлашиш ёқимли. Мен буни интиқлик билан кутяпман.

Кетма-кет 4 ғалабага келсак, биз ривожланмоқдамиз, у учрашувлар ўтиб бўлди, энди эса бор эътиборимизни келгуси ўйинларга қаратишимиз керак. Ва биз бу учрашувларни сабрсизлик билан кутмоқдамиз", - дея мураббийнинг сўзларини келтиради клуб расмий сайти.

Маълумот учун, "Манчестер Юнайтед" – "Реал Сосьедад" баҳси 8 сентябрь куни Тошкент вақти билан соат 23:55 да бошланади.