UZ

Сўнгги янгиликлар

02:00Месси фаолияти ҳақида: "Бунинг якуни яқинлашиб келмоқда"  0 01:45ЖЧ-2026 саралаши. Гаттузонинг дебютида Италиядан йирик, Франциядан ишончли ғалаба ва бошқа натижалар  0 01:19ОКМК назорат ўйинида Про-лига жамоасини икки марта мағлуб қила олмади  0 00:58Урмат Абдукаимов: "Ҳакамларнинг қарорлари футболчиларнинг фаолиятига катта таъсир ўтказади. Ҳакамлар ҳам шуни билиши ва ҳис қилиши керак"  5 00:47"Навбаҳор" ўртоқлик ўйинида "Нефтчи"ни мағлуб этди  4 00:23Лаутаро ЕЧЛ финалидаги мағлубият ҳақида: "5 кун гапира олмаганман"  0 23:45Лотар Маттеус: "Германия жуда ёмон ўйнади. Ҳисоб 5:0 бўлиб кетиши ҳам мумкин эди"  0 23:24Тимур Кападзе: "Жаҳон чемпионати учун аниқ режа? Барчаси ҳал бўлгунча кутиш керак"  20 22:55"Барселона" Ромеу клубдан кетганини маълум қилди  0 22:36"Реал" мухлислари жамоанинг август ойидаги энг яхши футболчисини танлаб олди  0 22:13ЛаЛига "Барселона"га рухсат берди  1 21:45CAFA Nations Cup. Ўзбекистон – Қирғиз Республикаси 4:0  23 21:26CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон  236 21:10Ўмон терма жамоаси мураббийи: "Кўплаб вазиятлар яратдик, аммо бор-йўғи иккита гол урдик"  11 20:54Ровшан Мередов: "Ушбу мусобақа орқали мундиаль иштирокчисига қарши ўйнадик"  5

"Темир одам" "Турон"да ўйнаяпти Янгиликлар

"Темир одам" "Турон"да ўйнаяпти

Футболчининг меҳнати мухлисларга ҳар ҳафта ўтадиган 90 дақиқалик ўйиндангина иборат бўлиб туюлади.

Рақиб қаршисига чиққунга қадар олинадиган юкламалар, жамовий ва индвидуал машғулотда тўкиладиган тер оддий ишқибоз назаридан четда қолади. Аммо бунинг учун катта куч сарфланишини унутмаслик керак. Шу туфайли узоқ давом этадиган давравий мусобақаларда тўлиқ ўйнаш барчага ҳам насиб қилавермайди. Кимгадир жароҳатлар панд берса, кимнинг жисмоний ҳолати чарчоқ олдида ожиз қолади. Аммо кам бўлса ҳам, бу вазифани муваффақият билан уддалайдиган футболчилар йўқ эмас. Келинг, Суперлиганинг жорий мавсумидаги барча ўйинларда форма кияётган ўйинчилар ҳақида сўз юритамиз.

Юсупов ва Нестеров

Гарчи дарвозабонлар учун мавсумни тўлиқ майдонда ўтказиш нисбатан қулай бўлса-да, 21 турдан кейин фақат 2 посбонда бундай имконият қолди: "Навбаҳор" посбони Ўткирбек Юсупов ва афсонавий Игнатий Нестеров ("Қизилқум").

38 ёшли Нестеров 21 ўйинда 18 марта ўз дарвозасидан тўп олиб чиқишга мажбур бўлган, ундаги "қуруқ ўйин"лар қаторига 7 рақами туширилган.

Айни пайтда терма жамоа ихтиёрида бўлиб турган Юсупов эса 21 баҳсда 14 гол ўтказгани ҳолда 10 ўйинда дарвозасининг даҳлсизлигини таъминлаган.

Абдулла Абдуллаев

"Бунёдкор" ҳимоячиси ҳам терма жамоа йиғинида иштирок этяпти.

Жорий мавсум Суперлиганинг барча баҳсларини асосий таркибда бошлаган 24 ёшли футболчи фақат 1 бор захирага олинган (12-тур, "Сурхон" билан ўйин). Абдулла 5:1 ҳисобида "қалдирғочлар" фойдасига ҳал бўлган ўйиннинг 86-дақиқасида алмаштирилган эди.

Фаррух Сайфиев

"Пахтакор" ҳимоячиси ўз амплуасида юртимизнинг энг кучли футболчиси ҳисобланади. Айни пайтда "Пахтакор" сафида энг кўп ўйин амалиёти олаётган ҳам у.

Хюистра барча ўйинларни асосий таркибда бошлаган 30 ёшли футболчини захирага олишга олишга фақат 2 бор жазм қила олди.

Лука Чермель

"Сўғдиёна" 2021 йилнинг энг жанговар жамоаси экани ҳақида бир неча бор гапирдик. Улуғбек Бақоев шогирдлари орасида фақат 1 киши барча "жанг"ларни илк дақиқалардан бошлади.

26 ёшли сербиялик футболчи фақат 1 ўйинда захирага олинган. У 3-турдаги "Қизилқум" билан ўйиннинг 22-дақиқасида жароҳатга йўлиққани туфайли алмаштирилган эди.

"Темир одам"

Юқорида дарвозабонлардан кейин тўхталган 3 футболчимиз 1 ўйинда бўлса ҳам, захирага олингани тўғрисида маълумот бердик. Суперлиганинг жорий мавсумида фақат 1 футболчи барча учрашувларда тўлиқ ўйнаб келмоқда. Бу "Турон" ҳимоячиси Даян Поньевич ҳисобланади.

Тўлиқ мавсум ўтказиш дарвозабонлар учун нисбатан осонлигини инобатга олиб, йил якунида "Темир одам" номинациясини айнан Поньевичга берсак керак. Бунинг учун Даян чарчоқларга "dayanib" (туркча "чидаб") олдинда турган 5 турда ҳам тўлиқ ўйнаши керак бўлади.

Маълумот учун, ўтган мавсумда фақат бир киши барча ўйинларда тўлиқ ҳаракатланган эди — "Қизилқум" футболчиси Олег Толмасов. 2019 йилда эса Умар Эшмуродов ("Насаф") ва Анзур Исмоилов ("Пахтакор") юқори барқарорлик кўрсатган.

Топ-11. Катанецдан чақирув олмаган футболчилар

Муаллиф :
Рейтинг: -14   

Фикрлар

championat.asia
< сўнгги янгиликларни кўриш
Яндекс.Метрика