Тарихдан иқтибос: "Cени тўғри касалхонага жўнатаман"
12 апр 2020 17:40
Янгиликлар
Тарихдан иқтибос: "Cени тўғри касалхонага жўнатаман"
"Championat.asia" ходимлари ўқувчиларни уйда зерикиб қолмасликларига оз бўлса-да ўз ҳиссасини қўшиш мақсадида бир қанча янги рукнларга қўл уриб келишмоқда. "Тарихдан иқтибос" рукнида футбол оламида айтилган энг сара иқтибосларни бериб борамиз.
Янги рукн. Тарихдан иқтибос: "Манчестер Юнайтед"га бўш чек юборганмиз"
Демак, бугунги фикр собиқ ярим ҳимоячи Клод Макелелега тегишли. У бир пайтлар "Барселона" афсонаси Роналдиньо билан боғлиқ кичик тарихни ёдга олиб ўтганди.
"Бир вазиятда (бу ЕЧЛ доирасида "Челси" - "Барселона" учрашувида содир бўлган) мен Роналдиньонинг олдига бориб шундай дедим: "Сен менга қарши одатий финтларни ишлатишингни хоҳлайман. Агар "Play Station"даги каби ҳаракатларни амалга оширишни бошласанг, мен сени тўғри касалхонага жўнатаман...
У бунга жавобан нима қилганини биласизми? Энгашиб тўпни олди ва уни менга бериб шундай деди: "Кечир мени, қария”.

Бу ўйин 2006 йилнинг 22 февралида бўлиб ўтган. Ўшанда "кўк-анорранглилар" Лондондан 2:1 ҳисобидаги ғалаба билан қайтишган. Жавоб баҳсида эса айнан Роналдиньонинг 78-дақиқада киритган голига 90-дақиқада Лэмпард пенальтидан жавоб қайтарган. Икки ўйин натижасига кўра "Барселона" ЕЧЛнинг чорак финалига йўл олган. Якунда эса Франк Райкард шогирдлари финалда "Арсенал"ни 2:1 ҳисобида мағлуб этиб 1992 йилдан кейинги илк ЕЧЛ кубогини бошлари узра баланд кўтаришган.

Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Фикрлар