UZ

Сўнгги янгиликлар

15:10Маркус Рэшфорд Евро-2024га бора олмаслиги мумкин  0 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  0 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  2 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  17 08:21Депайнинг агенти: «Бу ёлғон»  10

Тарихда бугун: Бикмаевнинг бенефиси, 2та пенальти, 8та гол ва гуруҳдаги охирги ўрин Янгиликлар

Тарихда бугун: Бикмаевнинг бенефиси, 2та пенальти, 8та гол ва гуруҳдаги охирги ўрин

Деярли бутун дунёда футбол учрашувлари вақтинча тўхтатилгани сабаб ўқувчиларимизни зериктириб қўймаслик мақсадида "Тарихда бугун" рукнини эътиборингизга ҳавола этиб келаяпмиз.

Фото Тарихда бугун: "Уч бошли аждар". "Бунёдкор" 3 йиллик танаффусдан кейин ОЧЛда ғалаба қозонган ўйин

Бугун Осиё Чемпионлар лигасининг яқин ўтмишига суратлар ёрдамида саёхат қиламиз. Умид қиламиз, ўқувчиларимиз тарихий кадрларни томоша қилиб зерикиб қолишмайди.

ОЧЛ-2017 доирасида Тошкентда ўтказилган учрашувга тўхталамиз. Мусобақанинг "A" гуруҳидан жой олган "Локомотив" "Ал Таавон" (С.Арабистони), "Истиқлол" (Эрон) ва "Ал Аҳли" (БАА) жамоалари билан плей-офф йўлланмаси учун кураш олиб борган. Афсуски, ўшанда Мирко Йеличич ва Андрей Микляев бошчилигидаги "темирйўлчилар" гуруҳда 5 очко билан охирни ўринни банд этишган. "Ал Таавон" ҳам худди шунча очко тўплаган, бу икки жамоанинг тўплар нисбати ҳам бир хил бўлган: 7-12. Ўзаро ўйинлардаги устунлик эвазига саудияликлар учинчи бўлишган. Саудия Арабистонида ўтказилган учрашувда мезбонлар "Локо"ни Талал Ал Абсининг ягона голи эвазига мағлуб этишган. Тошкентдаги баҳсга эса қуйида тўхталамиз.


ОЧЛ-2017 гуруҳ босқичининг 5-турида "темирйўлчилар" ўз майдонларида "Ал Таавон"ни қабул қилишган. Ўйиндан олдин ҳар икки жамоа ҳам гуруҳдан кейинги босқичга чиқиш имкониятини сақлаб турганди. Шу сабаб томонлар катта иштиёқ ва жанговар кайфиятда майдонга тушиб келишди. Афсуски, "Локомотив" ўйин давомида 2 тўп фарқи билан ҳисобда олдинга чиқиб олганига қарамай ғалабани ушлаб қола олмаган. 81-дақиқада Машарипов бир қарашда ғалаба тўпини киритгандек бўлганди, аммо 90+1-дақиқада Рикардо Мачадонинг бош билан берган зарбаси мувозанат тикланишига олиб келганди.


ОЧЛ-2017, "А" гуруҳи
5-тур
, 25.04.2017
Тошкент, "Локомотив" стадиони, 3155 томошабин
"Локомотив" - "Ал Таавон" 4:4
Бош ҳакам:
Абдулраҳмон Иброҳим Ал Жассим (Қатар)
Қанот ҳакамлари: Толиб Салим Ал Марри, Сауд Аҳмад Алмақалеҳ (иккиси Қатар)

Голлар: М.Бикмаев 19, 32 (пен.), 48, Ж.Машарипов 81 - А.Ал Суват 17, Ж.Ал Ҳуссайн 65, А.НДиайе 69, Р.Мачадо 90+1.
Амалга оширилмаган пенальти: Р.Мачадо 37 (дарвозабон)

"Локомотив": 1.Игнатий Нестеров, 4.Бобурбек Юлдашов, 5.Кахи Махарадзе, 9.Икромжон Алибоев, 10.Марат Бикмаев, 15.Сардор Мирзаев (22.Муродбек Бобожонов, 85), 18.Тимур Кападзе (17.Салим Мустафоев, 75), 20.Ислом Тўхтахўжаев, 33.Олег Зотеев, 77.Диёржон Туропов (29.Қувондиқ Рўзиев, 67), 99.Жалолиддин Машарипов.
Захира: 12.Маъмур Икромов, 11.Садриддин Абдуллаев, 28.Шуҳрат Муҳаммадиев, 37.Шерзод Файзиев.

"Ал Таавон": 22.Фаҳад Ал Шаммари, 3.Абдуллоҳ Кано, 4.Рикардо Мачадо, 10.Жиҳод Ал Ҳуссайн, 14.Муҳаммад Абусабан (6.Абдулраҳмон Ал Барака, 46), 16.Наиф Муса, 17.Маҳмуд Муаз, 19.Алассан НДиайе, 27.Саид Ал Досари 29.Лусиан Санмартин (70.Муҳаммад Ал Саиари, 62), 80.Абдулмажид Ал Суват (11.Сақр Отайф, 88).
Захира: 23.Султон Ал Гамди, 18.Мидо, 28.Абдуллоҳ Ал Шаммари, 37.Абдулазиз Ал Шарид.

Огоҳлантиришлар: М.Бикмаев 40 - Н.Муса 7, М.Ал Саиари 77.

3 йил олдин асосий таркибда тушганлардан 5 нафари ҳозир ҳам "Локомотив"да. Булар: Нестеров, Бикмаев, Махарадзе, Зотеев ва Туропов.


Йеличич ва Микляев жуфтлиги.


Машарипов "Локо"да ижара асосида тўп тепганди.


Тўп учун курашда Диёр Туропов ва Алассан НДиайе.


"Локомотив" стадиони медиа трибунаси.


Марат Бикмаев ОЧЛ-2017да жами 5та гол урган.


Бикмаев биринчи голини киритганидан кейин.


37-дақиқада Рикардо Мачадонинг пенальтидан берган зарбасини Игнатий Нестеров қайтарган.


Диёр Туропов Бикмаевнинг учинчи голига ассистентлик қилганди.



Марат ўша куни хет-трик қайд этганди.


Машарипов битта гол урган ва битта голли пас берганди, бундан ташқари Марат пенальтидан иккинчи тўпини киритганда 11 метрликни ҳам Жалолиддин ишлаганди.


Абдулмажид Ал Суват тўпни Икром Алибоевдан олиб қўйишга ҳаракат қилмоқда.


Учрашув Бикмаевнинг бенефисига айланганди, аммо бу ҳам ғалаба учун етарли бўлмади.


Ўйин қаҳрамони Маратнинг отаси ва турмуш ўртоғи.


Баҳснинг 65-дақиқасида Жиҳод Ал Ҳуссайн "Локо" жарима майдонида юзага келган пала партишликдан фойдаланиб ҳисобни қисқартирган - 3:2.


Сардор Мирзаев ва тўп.


- Йигитлар, ҳимояни ушлаймиз. Уларни штказмаслигимиз керак...


Афсуски, Алассан НДиайе жамоасининг учинчи голини киритган ва мувозанатни тиклаган.


81-дақиқада жарима майдонига ёриб кирган Машарипов ўнг оёқда дарвозанинг яқин пастки бурчагини аниқ нишонга олиб жамоасини ҳисобда олдинга олиб чиққанди - 4:3.


Хосе Гомес: Йигитлар, бўшашманг. Биз ҳам тўртинчисини урамиз...


- Нима десангиз шу, босс!


Биринчи бўлимда пенальтини уролмаган "Ал Таавон" сардори Рикардо Мачадо 90+1-дақиқада гол уриб айбини ювганди.


Ҳисоб 4:4 ва якунда ҳар икки жамоа ҳам гуруҳда қолиб кетган.


Хосе Гомес: "Локомотив" билан фантастик ўйин бўлди"

Муаллиф : Tolibjon Qosimov
Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика