UZ

Сўнгги янгиликлар

00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  0 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  51 00:02"Атлетико" — "Реал Овьедо". Таркиблар маълум  0 00:01"Тоттенхэм" — "Фулхэм". Таркиблар маълум  0 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  6 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  3 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3 20:23Ўзбекистон аёллар терма жамоаси Тошкентда Эронни қийинчиликсиз мағлуб этган ўйиндан ФОТОГАЛЕРЕЯ  1

Танаффусда олинган интервью. Драган Черан: "Бу йил тўпурарликни ҳеч кимга бермоқчи эмасман. 35 ёш? У фақат паспортда бўлади" Янгиликлар

Танаффусда олинган интервью. Драган Черан: "Бу йил тўпурарликни ҳеч кимга бермоқчи эмасман. 35 ёш? У фақат паспортда бўлади"

"Пахтакор" жамоаси кеча Ўзбекистон Кубоги гуруҳ босқичи иккинчи турида "Дўстлик"ка қарши майдонга чиқди (5:0).

Мураббий Максим Шацких шу куни жамоанинг етакчиси, тўпурари Дараган Черанга дам олиш имконини берди. Сербиялик футболчи эса учрашувни алоҳида меҳмонлар жой оладиган ўриндиқда эмас, биз билан медиа трибунада кузатди. Танаффусда эса унга ўзимни қизиқтирган айрим саволларга жавоб олдим. 



- Бу йилги чемпионат "Пахтакор" учун қандай ўтяпти? Мавсум стартидаги мағлубиятлардан сўнг жамоа кетма-кет ғалабали серия қайд этмоқда...

- Ҳа, мавсумни ёмон бошладик. Кетма-кет мағлубиятдан сўнг муҳими ўз вақтида қайта олдик, деб ўйлайман. Ҳозир ғалабалар қозонмоқдамиз. Шу йўлда давом этишимиз керак. Ғалабали сериямиз янада узоққа чўзилишига ишончим комил. 

- Жамоада натижа бор, лекин ўйин томонлама мақтайдиган даражада эмасдек таассурот қолдираётгани кейинчалик билинмайдими?

- Ҳа, натижа. Бу чемпионларга ҳос. Амалдаги чемпионликни сақлаб қолиш доим қийин бўлади. Менимча бу кўп гол уриб очко йўқотгандан яхшироқ. Ҳаммада ҳар хил кечадиган жараён. 

- Айни пайтда 8 нафар футболчи U-20 Жаҳон чемпионатида иштирок этмоқда. Улар орасидан Аббос Файзуллаев "Пахтакор"да муҳим фигурага айланганди. Унинг ўрни билиняптими?  

- Аббос ёш бўлишига қарамай жамоага ёрдам беришга ҳаракат қиляпти. У деярли асосий таркиб футболчимизга айланиб улгурган. Диёр Ҳолматов ҳам мана бу учрашувда майдонга тушиб фойда келтиришга уринди. Умуман ёшлар доим эътиборда. Уларга тажрибамдан келиб чиқиб маслаҳатларимни беришга тайёрман. 



- Юқорида айтдикки, бир нечта футболчилар терма жамоа билан бирга. Демак уларнинг ўйинларини кузатяпсиз. Қайси учрашувда ғалабага ҳақли эдик?

-  Аргентина билан жуда яхши ўйин кўрсатишди. Ўзбекистон камида дурангга лойиқ бўлганди. Янги Зеландия билан эса якунда ажойиб камбэк. Ғалаба қозонишлари мумкин эди. Айниқса иккинчи бўлимда рақибдан анча устун ҳаракат қилишди. 

- Осиё чемпионатидаги Ўзбекистон билан, Жаҳон чемпионатидаги Ўзбекистонни солиштириш қанчалик тўғри?

- Мундиал бошқа даражадаги мусобақа. Улар ёш, айримларида ҳаяжон, саросима кузатиляпти. Чунки йигитларни бутун дунё кўрмоқда. Агентлар, скаутлар кузатмоқда. Ҳар томонлама қийин.

- Бу йил тўпурарликни ҳеч кимга бермасангиз керак? 

- Албатта. Ҳеч кимга бермоқчи эмасман. Кимга беришим керак? (кулади). Кураш охиригача кечади. 



- Лекин рақобатчиларингиз ҳам охирги ўйинларда голлар урмоқда. Хебай, Займович ва ҳоказо...

- Рақобат доим бўлган. Бу менга ҳам олдинга интилишимда ёрдам беради, мотивация оламан. Кўряпсизми, тўпурарлар рўйхатидаги кучли учликдаги барча футболчи легионерлар. Биз ўзбек футболига фойда келтиряпмиз, дея оламан. Айрим журналистлар сербияликлар, легионерлардан нима фойда дейишади, мана исботи. 

- Ёшингиз 35да бўлишига қарамай тўпурар бўлишни ўйламоқдасиз...

- Ёш фақат паспортда бўлади. Ўзимни жуда яхши ҳис қиляпман. Демак жамоамга наф келтиришда давом этаман.

Муаллиф : Iskandarov Abdulaziz
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика