UZ

Сўнгги янгиликлар

22:00"Ман Сити" Коштани 40 миллион еврога имзолашга умид қилмоқда  0 21:40Рэшфорднинг келажаги мавсум якунлангач маълум бўлади  0 21:10"Бавария" Чемпионлар лигасидан чиқиб кетганидан сўнг янги марказий ҳимоячи изламоқда  2 20:54А Серия. “Парма” – “Ювентус”. Таркиблар аниқ!  0 20:45"Барселона" ўз бош мураббийи билан янги шартнома бўйича келишувга эришди  0 20:21"Манчестер Сити" дарвозабони Саудия Арабистонига йўл олиши мумкин  2 20:10Ўзбекистон Кубоги. ОКМК - "Насаф" 3:2 (матнли трансляция)  22 19:54Григорий Колосовский: "Суперлига жамоасини мағлуб этишга қодирмиз"  1 19:12"Ал Ҳилол" "Барселона" футболчиси учун 100 миллион евро тўлашга тайёр. Ўйинчининг ўзига эса 200 млн. доллар  6 18:55Ўзбекистон Кубоги. "Пахтакор" "Навоий ФА" дарвозасига жавобсиз 9та гол урди  22 18:32Ўзбекистон Кубоги. "Бухоро" - "Локомотив" 2:0  1 18:30Ўзбекистон Кубоги. "Бунёдкор" меҳмонда "Наманган ФА"ни таслим қилди  1 17:50МЮ Осимхен билан келишиб олди  3 17:29Хавьер Тебас: "АПЛ пул сарфлайди, инвестиция қилмайди. Ла Лига молиявий барқарор, бизнинг клубларимиз зарар кўрмайди"  5 15:55Бешинчи олтин, янгиланган 13 йиллик тарих ва чемпион мураббийлар   9

“Сурхон”нинг сербиялик легионери яна "жуфтакни ростлади" Янгиликлар

“Сурхон”нинг сербиялик легионери яна "жуфтакни ростлади"

Куни-кеча ўз майдонида “Навбаҳор”ни мағлуб этган “Сурхон” жамоаси Суперлигада қолиш учун катта бир қадам ташлади десак муболаға бўлмайди.

Мураббийлар қўрқмасдан ёшларга ишонч билдириб бораётгани ҳам қайсидир маънода ўзини оқламоқда. Сўнгги пайтларда термизликлар таркибига эътибор қаратадиган бўлсак, учрашув қайдномасида Владимир Бубаньяни учратмаяпмиз. Бунинг сабаби нимада? Қуйида шу ҳақда қисқача сўз юритамиз.

Ўзбекистон Суперлигасида 2018 йилдан буён фаолият олиб бораётган Владимир Бубанья охирги йилларда ўзидан илиқ таассурот қолдираётгани йўқ. Сербиялик марказий ҳимоячи мамлакатимиздаги илк мавсумини АГМК сафида ўтказганди. Ўша мавсумда Бубанья жамоасининг ҳақиқий етакчисига айланиб улгурган. Сабаби 32 ёшли футболчи қисқа вақт ичида АГМКнинг ҳимоя чизиғида асосий фигурага айланиб, жамоасининг юбилей 400-голига ҳам муаллифлик қилганди. Қолаверса яна бир эътиборга молик натижаси АГМК учун Ўзбекистон Кубогини қўлга киритишида катта ёрдам берганди.

Шуни инобатга олиб, 2019 йили эса Бубаньяга ўз олдига юқори мақсадларни қўйиб, шов-шувли трансферларга қўл урган Термизнинг “Сурхон” жамоасидан жиддий қизиқиш бўлиб, жамоа вакиллари таклиф билан чиқади. Владимирни термизликларнинг таклифи қониқтиради ва расман “Сурхон” футболчисига айланади. Ўша мавсум марказий ҳимоячи “Сурхон” сафида 24та ўйин ўтказиб, ўз ҳисобига битта гол ҳам ёздириб қўяди. Жамоаси эса чемпионатни 6-ўринда якунлади. 2020 йилги мавсум эса Бубанья ва “Сурхон” учун кўнгилдагидек кечмади. Сербиялик футболчи жамоада мураббийлар алмашинуви ва юзага келган молиявий муаммолар сабабли, ёзда кутилмаганда хеч кимни огоҳлантирмасдан жамоа лагерини тарк этиб, юртига жўнаб кетганди. Кейинчалик Бубанья ёдингизда бўлса клуб билан тузилган мехнат шартномасини бир томонлама бекор қилиб, жамоада қолиб кетган пуллари бўйича ФИФА орқали ундириш бўйича юриш қилганди. “Сурхон” эса ўтган мавсум Суперлигада ўз ўрнини аранг сақлаб қолишга эришди.

2021 йилги чемпионат аввалида клуб раҳбарияти сербиялик футболчи билан юзага келган зиддиятни дўстона равишда хал этишга уриниб, Бубаньяни яна жамоада олиб қолиш орқали уни ФИФАга ёзган шикоят хатини енгил бартараф этганди.

Афтидан сербиялик легионер бу мавсумдаги фаолиятидан қониқмаган кўринади. Чунки Бубанья яна жамоани худди ўтган йилги каби тарк этишга қарор қилган. 32 ёшли футболчи “Сурхон” таркибида бу йил Суперлига доирасида 13та ўйин ўтказди. Балки уни айрим ўйинларда захирада қолиб кетиши хафа қилган бўлиши ҳам мумкин. Клуб вакиллари билан бу борада суҳбатлашганимизда, Бубаньяни яна худди ўтган йилгидек жуфтакни ростлаганини такидлаб ўтди. Кўрамиз, “Сурхон” ва Бубанья ўртасидаги бу сафарги муаммо қандай бартараф этилар экан.


Исломбек Рустамбеков.

Рейтинг: -27   

Фикрлар

championat.asia
< сўнгги янгиликларни кўриш
Яндекс.Метрика