"Сурхон" ҳам Суперлигага шаъма қилмоқда

Олдинроқ Диёр Имомхўжаев ўзининг телеграмдаги каналида шундай гапларни ёзганди:

"АГМК клуби Олий лигада қандай пайдо бўлиб қолганини эслайсиз-а? Адашмасам, ўшанда 1-лигани 8-ўринда тугатганди. Кейин бирдан юқорининг қарори билан бой клубга айланиб қолди ва Олий лигага қўшилиб олди.

Бу каби мисоллар бизда ҳамма даврда бўлган ва ҳали бўлади ҳам. Чунки, футболга пулни ким бераётган бўлса, унинг айтгани бўлади. Спорт принциплари эса қачонки клублар ўзи пул топишни бошлаганидан кейин ишга тушса керак.

Хулоса: кто платит тот и заказывает музыку".

"Сурхон" клуби матбуот хизмати ҳам буни ўз телеграм каналида ёзиб чиқди ва шу орқали 2019 йилги мавсумда Суперлигада ўйнаши мумкинлигини маълум қилгандек бўлди. 

Бироқ шу ўринда савол келиб чиқади. "Сурхон" Суперлигада кимнинг ўрнига ўйнайди ёки клублар сони оширилармикин?