Сурияга қарши ўйиндан нима кутаяпсиз? Даврон Файзиев жавоб беради
23 мар 2017 12:45
Янгиликлар

Сурияга қарши ўйиндан нима кутаяпсиз? Даврон Файзиев жавоб беради

Сурия - Ўзбекистон учрашувидан олдин бир қатор футболчи ва мураббийларимизнинг фикрлари билан қизиқдик.

Даврон Файзиев, “Сўғдиёна” бош мураббийи

- Шахсий фикрим, фақат аниқ тўп узатишлар ва рақибни тўпсиз қолдириш эвазига Сурия терма жамоасини мағлубиятга учратса бўлади. Агар аввалги учрашувларда кузатилгани каби тўпни фақат мақсадсиз ва манзилсиз олдинга тепиш бўлса, кўзланган мақсадга эришиш қийинлашади. Легионерлар асосий кучимизми? Йўқ, мен бундай демаган бўлардим. Фикримни тушунган бўлсангиз керак. Суриянинг кучли томони нимада? Футболчилари жисмонан бақувват. Кейин уларда Ватан туйғуси жуда ҳам кучли. Футболчилари терма жамоа манфаатини ўз клубларидан устун қўйишади. Бизда ҳам шундайми?

К.Алимов ёзиб олди