Суперлиганинг 18-турида уч нафар четлатилган ҳакам ишлайди
20 июл 2018 19:02
Янгиликлар

Суперлиганинг 18-турида уч нафар четлатилган ҳакам ишлайди

ПФЛ бугун 18-тур ўйинларини бошқариб борувчи ҳакамлар рўйхатини эълон қилди.

Эътиборлиси ушбу турдан ўрин олган 3та ўйинда шу йил Суперлига ўйинларида йўл қўйган қўпол хатолари туфайли номаълум муддатга четлатилган ҳакамлар тайинланган.

5-турдан ўрин олган “Локомотив” - “Қўқон-1912” учрашувидан кейин четлатилган Валентин Коваленко 18-турдан ўрин олган АГМК - "Бухоро" учрашувида ишлайди.

6-турда "Пахтакор" - "Қизилқум" баҳсидан кейин четлатилган Вадим Агишев "Бунёдкор" - "Навбаҳор" учрашувида бош ҳакам бўлади.

13-турдан ўрин олган “Қўқон-1912” – “Қизилқум” ўйинидан сўнг четлатилган Акобирхўжа Шукуруллаев эса "Нефтчи" - "Қизилқум" ўйинига тайинланган.

Маълумот учун, Коваленко ва Агишев 14-турда ҳам ишлашганди.