Суперлига ва Про-лига футболчиларининг жисмоний ҳолати назорат қилиб борилади

Мазкур тест- синовлари тизими Ўзбекистон Футбол Федерациясининг Техник бўлими илмий-методик гуруҳи мутахассислари томонидан ишлаб чиқилди.

Махсус синовлар мавсум давомида тасдиқланган режа асосида уч маротаба ўтказилади ва натижалари таҳлил қилиб борилади. Тест-синовлари махсус инновацион технологик воситалар орқали ўтказилишини ҳам алоҳида таъкидлаб ўтиш керак.

Синовлардан муваффақиятли ўтган футболчилар ўз клублари таркибида Суперлига ва Биринчи лига баҳсларида иштирок этишлари мумкин. Синовлардан ўтолмаган футболчиларни эса чемпионат ўйинларидан четлаштириш кўзда тутилган.