UZ

Сўнгги янгиликлар

16:47Ўзбекистонлик ҳакам университетлар ўртасидаги Жаҳон чемпионати учрашувини бошқарди  0 16:27ЎФФ раҳбарияти Осиё Кубоги саралаши олдидан терма жамоа аъзолари билан учрашди  1 15:59"Ливерпуль" еврокубокда илк бор англиялик футболчиларсиз таркибни майдонга туширди  0 15:33Фарғонада "Нефтчи" ғалаба қозонадими? Олмалиқда нима бўлади? — 22-тур олдидан мутахассис фикри  0 15:17Суперлига. 22-тур дисквалификациялари: "Динамо", "Андижон" ва "Пахтакор"да йўқотишлар бор  3 14:57Гвардиола Ҳусанов нега "Сити"нинг ҳар бир ўйинида бошланғич таркибда тушолмаслигини тушунтирди  9 14:39"Челси" ва "Тоттенхэм" "Барселона" футболчиси учун курашга киришди  0 14:10Испания ЖЧ-2026дан воз кечишга тайёр — сабаб Исроил  11 13:42ФИФА рейтинги янгиланди: Ўзбекистон бир поғона юқорилади  9 13:26Максим Шацких: "Биз сафарда Туркманистон терма жамоасига қарши ўйнадик, буни унутмаслик керак"  10 12:54УЕФА Англия клубини мухлислар баннери туфайли жазолади  2 12:20МЮ Аморимнинг ўрнига бошқа мураббий излаётгани ҳақидаги хабарлар рад этилди  1 11:50Жозе Моуринью: "Бенфика"дан таклиф бўлганида бир сония ҳам иккиланмадим"  3 11:25Сон Хён Мин "Реал" билан ўйинда хет-трик қайд этди  10 10:45Ўзбекистон U-16 терма жамоаси бугун Черногория билан ўйнайди   6

Суперлига. "Турон" 2 ойдан кейин очко ишлади, "Пахтакор" 20 йилдан бери... Янгиликлар

Суперлига. "Турон" 2 ойдан кейин очко ишлади, "Пахтакор" 20 йилдан бери...

22-турнинг 2-кунги ўйинлари ниҳоясига етди.

"Пахтакор" 4:2 "Қизилқум", 588 мухлис

"Турон" 1:1 "Сурхон", 5 127 мухлис

"Сўғдиёна" 1:1 "Қўқон-1912", 2 210 мухлис

Мазкур баҳслар ҳақида баъзи қизиқарли маълумотларни тақдим қиламиз.

Тошкентдаги ўйин

1. "Қизилқум" Ўзбекистон чемпионатларида "Пахтакор" устидан ғалаба қозонолмаётганига 20 йил бўлди (41 ўйин).

2. Умуман олганда, Навоий клуби "Пахтакор"ни фақат 1 марта ютган (2001 йил, 1:2).

3. Драган Черан "Пахтакор" либосидаги олтинчи хет-тригини расмийлаштирди. У бунга қадар "Бухоро" (2 ўйинда), "Насаф", "Андижон" ва АГМК жамоалари дарвозасига 1 ўйиннинг ўзида 3 та гол урган эди.

4. "Шерлар" қаторасига 23-ўйинда ҳам "Қизилқум" дарвозасига йўл топишди.

5. Суперлиганинг жорий мавсумида 2 бор "Пахтакор" иштирокидаги ўйинларни бошқарган Фирдавс Норсафаров рақиб дарвозаси томон 3 та пенальти белгилади.

6. Ушбу баҳсдан кейин "Пахтакор" 14-бор мамлакат чемпионига айланди.

7. Ўйинни 588 нафар ишқибоз стадионнинг ўзидан кузатди.

8. Учрашувдан кейин "Қизилқум" расмийлари бош ҳакам устидан шикоят ёзишларини маълум қилди. Шунингдек, ЎФАнинг этика қўмитаси ўйиндан сўнг кийим алмаштириш хонасига кириб кетиш жараёнида Игнатий Нестеров ва Аброр Исмоилов ўртасида рўй берган ҳолатни ўрганиб чиқса керак.

Яйпандаги ўйин

1. Муродбек Бобожонов ("Сурхон") асосий таркибда майдонга тушган қаторасига 2-ўйинида гол урди. Бунақаси сўнгги бор 2016 йилги мавсумда юз берганди. Ўшанда "Нефтчи" шарафини ҳимоя қилаётган форвард "Пахтакор" ва "Насаф" дарвозасини ишғол қилганди.

2. "Турон" 63 кунда деганда очко ишла.

3. Шквирин шогирдларининг 6 ўйиндан иборат мағлубиятлари серияси якунланди.

4. "Турон" ва "Сурхон" жорий мавсумдаги ҳимояси энг заиф жамоалар ҳисобланишади. Иккала клуб 22 ўйиндан кейин 33 та гол ўтказиб юборишган (+"Машъал" ҳам).

5. "Сурхон" ҳужум чизиғи энг заиф жамоа бўлиб турибди (22 ўйинда 12 гол).

6. Учрашувни 5 127 нафар ишқибоз стадионнинг ўзидан томоша қилди.

Жиззахдаги ўйин

1. Улуғбек Бақоев мураббийлик фаолиятида илк бор Бахтиёр Ашурматов билан дуранг ўйнади.

2. "Сўғдиёна" бу йил Аскер Нажафалиев ишлаган ўйинларда ютқазмаяпти (4 ўйин: 3 ғалаба, 1 дуранг). 

3. "Қўқон-1912" эса тошкентлик рефери бошқарган баҳсларни ютолмаяпти (2 ўйин: 1 тадан дуранг ва мағлубият).

4. Элёр Орифов Суперлигада 2020 йилнинг 3 мартидан (АГМК билан ўйин) буён илк голини урди.

5. Жиззах клубининг мағлубиятсиз серияси 7 ўйинга етди. "Сўғдиёна" сўнгги бор "Турон"га енгилган эди (15-тур, 1:0).

6. "Қўқон-1912"нинг голли серияси 14 ўйинга етди. Бахтиёр Ашурматов жамоаси сўнгги бор 8-тур доирасида ўтган "Пахтакор" билан ўйинда майдонни голсиз тарк этган эди (3:0).

7. Учрашувни 2 210 нафар ишқибоз стадионнинг ўзидан томоша қилди.

"Пахтакор"ни ҳакамлар чемпион қилдими?

Муаллиф :
Рейтинг: -6   

Фикрлар

championat.asia
< сўнгги янгиликларни кўриш
Яндекс.Метрика