UZ

Сўнгги янгиликлар

01:33Аброр Исмоилов: "Муҳим учрашувда керакли очколарни қўлга киритдик"  0 01:27Камолиддин Тожиев: "Натижа бор, лекин жамоамиз ўйинидан қониқмадим"  0 00:45Ольмо Клублар ўртасидаги ЖЧ ҳақида: "Мавсумга тўлақонли тайёргарлик кўраётганимиздан хурсандмиз"  2 00:35Фарҳод Нишонов: "Кубок ўйинларида янада узоқроқ боришни мақсад қилгандик"  0 00:22Ҳаким Фузайлов: "Бугунги мағлубият учун ҳамма айбни ўзимга оламан"  2 00:00Суперлига. "Динамо" мухлислари кўз ўнгида "Нефтчи"га ютқазди  0 23:50Сергей Лушчан: "Кубок ўйинларида футболчиларга қўшимча мотивация керак"  4 23:28Вадим Абрамов: "Бугун жамоам жуда оғир ўйнади"  10 23:06Брайан Риаскос: "Суперлига – бир қараганда осон, аммо аслида жуда мураккаб турнир"  2 22:59Виталий Левченко: "Динамо"нинг турнир жадвалида биздан юқори эканлиги футболчиларга қўшимча мотивация берди"  5 22:25Осиё Кубоги саралаши. Ўзбекистон аёллар терма жамоаси Лаос дарвозасига еттита жавобсиз тўп киритди  6 22:19"Милан" 20 млн евродан зиёдга Италия термаси футболчисини сотиб олади  1 22:14Ўзбекистон кубоги. Чорак финалнинг барча иштирокчилари аниқ!  2 21:58Суперлига. "Нефтчи" қолдирилган ўйинда "Динамо"ни ишончли ҳисобда ютиб, 3-ўринга кўтарилиб олди  53 21:55Ўзбекистон Кубоги. "Пахтакор" ва "Навбаҳор" ўз рақибларини мағлубиятга учратиб, чорак финалга йўл олишди  24

Суперлига 3-тур рамзий терма жамоасидан жой олган “Андижон” футболчиси Усмонали Исмоналиев билан суҳбат Янгиликлар

Суперлига 3-тур рамзий терма жамоасидан жой олган “Андижон” футболчиси Усмонали Исмоналиев билан суҳбат

Мавсумни кетма-кет икки мағлубият билан бошлаган “Андижон” ўтган турда водий дербисида дуранг натижа қайд этди.

Мазкур учрашувда мезбонлар ҳимоячиси Усмонали Исмоналиев мудофаа чизиғида ажойиб ҳаракат қилди ва тур рамзий терма жамоасидан жой олди. Яқинда иқтидорли футболчини интервьюга таклиф қилдик ва қатор саволларга жавоб олдик.

- Усмонали сиз энди танилаётган ёш иқтидорлардан бирисиз. Келинг, дастлаб ўзингиз ҳақингизда маълумот берсангиз?

- Андижон вилоятида туғилганман. Футболга кириб келишимга отам сабабчи бўлганлар. Улар футболнинг ашаддий ишқибози. Биринчи мураббийим Лутфулло Мажидов бўлади. Вилоят футбол академиясида ўқиб юрган кезларимда менга устозлик қилганлар.

- Профессионал футболчи бўлиш осон эмас. Айрим ҳолларда мураббийлар болаларни иқтидорини пайқай олишмайди. Сендан футболчи чиқмайди қабилидаги гаплар билан руҳиятини ва иштиёқини тушириб юборишади. Сизда ҳам шунга ўхшаш ҳолат кузатилганми?

- Тўғри айтасиз. Қийналган, ишончим пасайган пайтларда мураббийларим тўғри йўл кўрсатишган. “Андижон” жамоасида ўз ўрнимни топиб кетишимда Александр Хомяковнинг хизмати катта. Менга кўрсатган ёрдамларини асло унутмайман.


- Асосий таркибдаги илк учрашувингизни қандай хотиралар билан эслайсиз?

- Ўзбекистон Лига кубоги доирасидан ўрин олган “Насаф”га қарши учрашувда ўзимни кўрсатишим учун имконият беришди. Ўзим учун ўзгача баҳс сифатида ёдда қолган.

- “Андижон” учун чемпионат старти ўта мураккаб келди. “Локомотив”, “Насаф”. “Навбаҳор” билан учрашувларда жамоа ўйин бобида ютқазмади. Бироқ, натижа доим барча нарсадан устун бўлиб келган...

- Ҳа. Учта турда омадсизлик гирдобига тушиб қолдик. Лекин, биз хатолардан тўғри хулоса чиқаришимиз, ишалашда давом этишимиз лозим. Жамоада ҳамманинг ўз ўрни бор. Ўйлайманки, ижобий натижаларга эришиб турнир жадвалида муносиб поғонани эгаллашга ҳаракат қиламиз. Александр Андреевич бизни бирлаштира олди. Шахсан мен жуда кўп нарса ўргандим. Тўғри қарор қабул қилишни, сабр билан меҳнат қилишда давом этишимиз кераклигини уқтира олди.

- “Навбаҳор” билан ўйиндан олдин мураббий чиройли ўйинни унутиб натижа учун ҳаракат қилиш ҳақида кўрсатма бергани ростми?

- Беллашувга қандай тактика ва услуб танлашни мураббий ҳал қилади. Бизнинг вазифамиз майдонгf чиқиб кўрсатмаларга амал қилган ҳолда тўп тепиш. Водий дербиси доим муросасиз кечган. Дурангга мос ўйин бўлди.


- Қайси ўзбекистонлик ҳимоячиларнинг ҳаракатларини кузатасиз ва ўхшашга интиласиз?

- Ўзбек футболчиларидан кўпроқ Анзур Исмоиловнинг ўйинларини томоша қиламан.

- Биринчи маошингиз қанча бўлган?

- Юз минг сўм.

- Жаҳон футболидаги энг голеадор ҳимоячи сифатида кимни эътироф этасиз?

- Серхио Рамос. Айрим ҳужумчилардан кўра кўпроқ тўп киритади.

- Таклиф бўлса қай бирини танлайсиз Япония биринчи лигаси ва Таиланд олий лигаси?

- Таиланд чемпионати ҳам яхши вариант.


Абдулазиз Искандаров суҳбатлашди.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика