Суперлига-2021. Кетказилган мураббийлар...
02 фев 2022 18:51
Янгиликлар
1) Олдига чемпионлик вазифаси қўйилган "Навбаҳор"ни мавсумга Нўъмон Ҳасанов тайёрлади. Бироқ, унга 1-турдаги мағлубиятдан кейин чиқиш эшиклари кўрсатилди. Ҳасановнинг ўрнини эгаллаган Виктор Жалилов ҳамкасби йиғган таркиб билан ишлашда қийналди. Натижада "лочинлар" 7 турдан кейин атиги 6 очко тўплай олди. Бу омадсизликлар мавсумнинг кейинги қисмига ҳам таъсир қилди...

2) Суперлигада "эртак ёзиши" кутилган "Турон"да 2021 йилда 4 нафар бош мураббий ишлади: Исмоилов, Баниак, Шквирин ва Ҳакимов. Натижа ўртада: 26 ўйинда 17 очко — сўнгги ўрин.

3) "Андижон"ни мавсумга Отабек Ғуломхўжаев тайёрлади. Унинг ишини Ёрқин Назаров давом эттирди, Кумиков тугатиб қўйди. Натижа: "Про лига йўлланмаси".

4) "Металлург"ни мавсумга тайёрлаган Андрей Шипилов 2-турдан кейин "қувилди". Бунга жамоанинг биринчи мағлубияти сабаб бўлганди. Натижа: мавсум охирига қадар яна 15 та мағлубият қабул қилиб олинди.

5) Мавсум давомида "устоз алмаштирган" "Сурхон" ҳам Суперлигада аранг "илиниб қолди".

ФАКТ: Мавсумни турнир жадвалининг юқори бешлигида якунлаган жамоаларнинг барчаси йил давомида фақат битта мутахассисга ишонч билдирган клублардир.

Қўшимча: Про лигада ҳам худди шу ҳолат содир бўлди. Нисбатан кучли таркибга эга бўлган "Бухоро" 12 ойда 6 бор мураббий алмаштирди. Бироқ, элита йўлланмасини "Динамо" ва "Олимпик" жамоаларига ютқазиб қўйди.

Самандар Файзуллаев тайёрлади
Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. "Насаф" "Навбаҳор" майдонида очко йўқотди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган
Фикрлар